प्युठानमा फागुन ३ गते मंगलबार देखी सुरु भएको परिवार नियोजन स्थायी बन्ध्याकरण शिविर आज सकिएको छ।
प्युठान जिल्लाका नौ वटै स्थानिय तहहरु समेटिने गरि सञ्चालन भएको परिवार नियोजन स्थायी बन्ध्याकरण शिविरमा जिल्लाभरका २० जनाले स्थायी बन्ध्याकरण गरेका छन्। जसमध्ये १६ जना महिलाले मिनिल्याप र ४ जना पुरुषले भ्यासेक्टोमी गरेको पब्लिक हेल्थ नर्स रिता न्यौपानेले जानकारी दिइन । देविस्थान स्वास्थ्य चौकीमा संचालित शिविरमा माण्डवी गाउँपालिकाका २ जना महिलाले मिनिल्याप स्थायी बन्ध्याकरण गरेका छन् । त्यस्तै नौबहिनी गाउँपालिकामा १ जना महिला,गौमुखी गाउँपालिकामा १ जना महिला र १ जना पुरुषले स्थायी बन्ध्याकरण गरेका छन।

झिमरुक गाउँपालिकामा ३ जना महिला र २ जना पुरुषले स्थायी बन्ध्याकरण गरे भने ऐरावति गाउँपालिकामा ४ महिला र १ जना पुरुषले स्थायी बन्ध्याकरण गरेको आयोजकले जनाएको छ। प्युठान नगरपालिकामा ५ जना महिलाले स्थायी बन्ध्याकरण गरेको बताईएको छ। सरुमारानी गाउँपालिका,मल्लरानी गाउँपालिका र स्वर्गद्धारी नगरपालिकामा परिवार नियोजन गर्नेको संख्या शून्य भएको छ ।
स्वास्थ्य कार्यालय प्यूठानको आयोजना र सुनौलो परिवार नेपालको सहयोगमा परिवार नियोजन स्थायी बन्ध्याकरण शिविर सञ्चालन गरिएको हो।