सरुमारानी गाउँपालिकाले दिर्घरोगका विरामीहरुलाई औषधउपचार खर्च उपलब्ध गराउने भएको छ । स्वास्थ्य तथा जनसंख्या मन्त्रालयको निती नियम अनुसार २०७८ को कार्यविधी बमोजिम गाउँपालिकाले मृगौला प्रत्यारोपण गरेका, डाइलासिस गरिरहेका, क्यानसर रोगी र मेरुदण्ड एवम् पक्षघातका विरामीहरुलाई मासिक ५हजार उपलब्ध गराउने भएको हो ।
गाउँपालिकाले बुधवार जारी गरेको सुचना अनुसार नेपाल सरकारको पूर्ण वा अधिकांश स्वामित्व भएको संस्था वा संगठन संस्थाबाट रोजगारी, निवृतिभरण वा विदेशी सरकारबाट रोजगारी, पेन्सन प्राप्त गरिरहेका व्यक्ति र सामाजिक सुरक्षा भत्ता प्राप्त गर्ने लाभग्राही बाहेक दिर्घरोगबाट प्रभावित व्यक्तिले मात्र उपचार खर्च पाउनेछन् ।
रोगबाट प्रभावित व्यक्तिले २०७९ साउन महिना भित्र निवेदन पेश गर्न सक्ने गाउँपालिकाले निकालेको सुचनामा उल्लेख गरिएको छ ।