२०७९ भदौ १९ प्यूठाननेपाल रेडक्रस सोसाइटीको ६० औं स्थापना दिवसको अवसरमा विरामीहरुलाई फलफुल वितरण गरिएको छ । नेरेसोको ६० औं स्थापना दिवसको अवसर पारेर नेरेसो प्यूठान शाखाले जिल्ला अस्पतालमा उपचाररत् विरामीहरुलाई फलफुल बितरण गरेको हो ।
अस्पतालका ३० जना विरामीहरुलाई फलफुल वितरण गरेको नेपाल रेडक्रस सोसाइटी जिल्ला शाखा प्यूठानले जनाएको छ । कार्यक्रमका अध्यक्ष एवम् नेरेसो प्यूठानका सभापति गुमानराज पुलामीले रक्त संचार सेवालाई जिल्लामा व्यवस्थित तरिकाले संचालन गर्न जिल्ला स्थित सम्पुर्ण स्थानीय तह, संघसंस्थाहरुले पनि सहयोग तथा समन्वय गर्न आवाश्यक रहेको औंल्याए ।
त्यस्तै फलफुल वितरण कार्यक्रममा वोल्दै प्यूठान नगरपालिका उपप्रमुख देबेन्द्र वर्माले सेवामुलक संस्थाले विपदको समयमा विभिन्न क्षेत्रहरुमा योगदान पुर्याउदै आएको भन्दै नेरेसोलाई धन्यावाद व्यक्त गरेका छन् ।
कार्यक्रममा प्यूठान नगरपालिका निर्वतमान नगरप्रमुख अर्जुन कुमार कक्षपति, अस्पतालका निमित्त प्रमुख खिम प्रसाद पार्धे, वडा नं. ३ का वडा अध्यक्ष सुमन श्रेष्ठ, नेपाल नेत्रज्वती संघ प्यूठानका सभापति केशव कर्माचार्यको उपस्थिती रहेको थियो ।
साथै सोही अवसरमा लायन्स क्लव अफ प्यूठान र नेरेसो बिजुवार उप–शाखाले रक्तदान कार्यक्रम समेत गरेको छ ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
