विप्लव नेतृत्वको नेपाल कम्यनिष्ट पार्टी माडी गाउँपालिकाले एक वडा सदस्यलाई कार्वाही गरेकाे केही दिनपछि अाज बिहिबार अउनकाे पेदीखोला स्थित घर कब्जा गरेको जनाएको छ । माडी गाउँपालिका १ नं. वडा सदस्य हरि प्रसाद घर्तिलाई नेकपा माडी गाउँपालिकाको स्थानीय जनसरकारले कार्वाही गरेको र सो बिषयमा छलफल गर्न खोज्दा उहाँ जनता सामु उपस्थित नभएको हुँदा भ्रष्टाचार गरेको ठहर गर्दै घर कब्जा गरेको नेकपाले जनाएको छ ।

माडी गाउँपालिका वडा नं. १ का वडा सदस्य हरि प्रसाद घर्तिले कृषि क्षेत्रमा आएको कुल रकम १८ लाख सत्तरी हजार पाँचको हिसाब नदेखाएको भन्दै कार्वाही स्वरुप र उक्त रकम असुल गर्न घर कब्जा गरेको जनाएको छ । उहाँल भ्रष्टचार गरेको आफुहरु संग तथ्य प्रमाण रहेको समेत विप्लव नेतृत्वको नेकपा माडी गाउँपालिकाका प्रमुख सुर्य खड्काले जानकारी दिनुभएको छ ।

घर कब्जाको क्रममा विप्लव नेतृत्वका माडी गाउँपालिका प्रमुख सुर्य खड्का, अभियान कमान्डर कुशल वली,दिनेश वली स्थानीय जनतासहित विप्लव नेता कार्यकर्ता गरी ४० जनाको सहभागिता रहेको थियो । भष्ट वडा सदस्यकाे घर कब्जा गर्दै विप्लव नेकपाका माडी गाउँपालिका तथा रोल्पा नगरपलिका अभियान कमान्डर कुशल वलीले घर कब्जा गरी भ्रष्टाचारको रकम असुल गर्ने र भ्रष्टाचारीलाइ नछोड्ने बताउनुभएको छ ।

स्मरण रहोस नेकपा माडी गाउँपालिकाले उक्त बिषयमा जाँचबुझ गर्न बिजय घर्ति मगरको संयोजकत्वमा ५ सदस्यीय छानबिन समिति बुधबार नै गठन गरिसकेको छ । नेकपाका अमरसिङ घर्ति मित्रमनिले जानकारी दिनुभएको छ ।