घर माथीबाट पहिरो आएर प्यूठान नगरपालिका ४ ढाडमग्रामा तीन घर पुरीएको छ । आज शनिबार(बिहान)भर्खरै घर माथिबाट एक्कासी आएको पहिरोले स्थानीय पदम सुबेदी, टीका केसी र फुर्सी गमालको घर पुरिएको स्थानीय लक्ष्मण सुबेदीले जानकारी दिए ।
बिहानको समय भएकाले तीन वटै घरका परिवारहरु बाहिर निक्केकाले कुनै मानवीय क्षति हुन नपाएको सुबेदीले बताए । सबै घरका लत्ता कपडा, अन्नपात, घरगहना, नगद सबै पुरीएको छ । तीन वटै घर ठूलो पहिरोका कारण पूरै पुरिएको सुबेदीले जानकारी दिए । स्थानीयले प्रहरीलाई भर्खरै खबर गरेका छन् । अझै प्रहरी घटना स्थलमा पुगिसकेको छैन् । क्षतिको पूरै विवरण आउन बाँकी छ ।
यस्तै सरुमारानि ६ मा हिजो को अबिरल बर्षातले राति वडा कार्यालय सहित ३ घर पहिरो ले पुरेको छ । मानबिय क्षति भएको छैन । पशुचौपाया सबै मरेका छन ।