बिबश घर्ति मगर१२ पुष २०७९
१२ पुष २०७९झिमरुक गाउँपालिका उपाध्यक्ष प्रमोद पोख्रेलले आफ्नो जन्मदिनको अवसर पारेर बिपन्न परिवारलाई सहयोग गरेका छन् । उनले बिगत ८ बर्षदेखी नै यो कार्य गर्दै आइरहेको बताए । हरेक बर्ष आफ्नो जन्मदिन मनाइरहदा उनले यो बर्ष पनि बिपन्न परिवारका लागि रासन लिएर झिमरुक गाउँपालिका ६ को जनजाती रहेको स्थान खाद्यान्न बितरणका गएका हुन् ।
अरुले जन्मदिन मनाउदा होटेलमा पैसा खर्च गर्छन भने म बिपन्न गरिबिलाई सहयोग गर्छु उनले भने । हुने मान्छेले नहुँने मान्छेलाई सहयोग गर्न सिको होस भन्नका लागि आफुले सकेको सहयोग गरेको बताएका छन् । उनले यो बर्षको जन्मदिनमा ५ घरधुरीका बिपन्न परिवारका लागि एक बोरा चामल, दाल, नुन, तेल लगायतका सामाग्री दिइएको जानकारी गराए । साथै आगामी दिनमा पनि आफुबाट हुने सहयोगमा पछि नपर्ने र यो कार्य निरन्तर रहने समेत बताएका छन् ।
