१६ पुष २०७९लुम्बिनी प्रदेश सभाले आफ्नै नयाँ संरचनामा सांसदहरुलाई शपथ ग्रहण गराउने भएको छ। शपथ भोलि दिउँसो १ बजे हुने भएको लुम्बिनी प्रदेश सचिवालयले जनाएको छ। प्रदेश प्रमुख अमिक शेरचनको स्वागत, र सलामी पछि शपथ हुने प्रदेश सभा सचिव दुर्लभकुमार पुन मगरले जानकारी दिए।
पुस १८ गते सोमबारका दिन प्रदेश प्रमुख अमिक शेरचनले प्रदेशसभा अधिवेशन आह्वान समेत गरेका छन्। जसको अघिल्लो दिन आइतबार शपथ ग्रहण गर्ने भएको हो। ८७ जना सांसद रहेको लुम्बिनीमा स्थायी राजधानी देउखुरीस्थित नवनिर्मित प्रदेश सभा भवनमा नयाँ सांसदले शपथ लिनेभएका छन्। पाँच करोड २० लाखको लागतमा सो भवन निर्माण गरिएको हो।
प्रत्यक्षतर्फ ५२ र समानुपातिक ३५ गरेर ८७ सदस्यीय प्रदेश सभा रहेको छ। एमाले २९ सदस्यसहित सबैभन्दा ठूलो दल रहेको छ। नेपाली कांग्रेस २७, नेकपा माओवादी केन्द्र ९, राप्रपा ४, नागरिक उन्मुक्ति पार्टी ४, जनमत पार्टी ३, जनता समाजवादी ३, लोकतान्त्रिक समाजवादी ३, राष्ट्रिय जनमोर्चा एक, नेकपा एकीकृत समाजवादी एक र स्वतन्त्र ३ जना छन्।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
