News Portal

रेडियो सुन्नुहोस्

व्यवसायीका समस्याप्रति गम्भीर छौं : नगर प्रमुख योगी

झुलेनी पोष्ट२०७९माघ,
२३५ पटक
२०७९माघ,

उद्योगी तथा व्यवसायीहरुको समस्याप्रति नगरपालिका गम्भीर भएको प्युठान नगरपालिकाका प्रमुख विष्णु बहादुर योगीले बताएका छ ्।
शनिबार होटल आयुष्मा जुम्रीमा आयोजित प्यूठान उद्योग वाणिज्य संघ, प्यूठान नगर बजार क्षेत्रको १८ औं वार्षिक साधारण सभाको उद्घाटन गर्दै नगर प्रमुख योगीले भने, ’व्यवसायी समृद्ध हुनुनै नगरको समृद्धि हो । व्यवसायीले भोग्नु परेका तमाम समस्याप्रति हामीहरू गम्भीर छौं।’
निजी क्षेत्रको प्रतिनिधित्व गर्ने उद्योगी तथा व्यवसायीहरुको छाता संगठनको रूपमा उद्योग वाणिज्य संघले उठाएका हरेक व्यवसायीक मुद्धाहरुमा नगरपालिकाले आवस्यक सहकार्य, सहयोग तथा माग सम्बोधन गर्दै जाने नगर प्रमुख योगीले बताए । समृद्ध नगरपालिका बनाउने अभियानका प्रमुख हिस्सेदार उद्योगी व्यवसायीहरुनै भएको उनले बताए ।साधारण सभाका विशेष अतिथिको रूपमा रहेका प्यूठान उद्योग वाणिज्य संघका अध्यक्ष पशुपति नारायण नकर्मीले प्यूठानी उद्योगी व्यवसायीका समस्या समाधानमा सहयोग गर्ने निर्णायक तह भनेकै नजिकैको स्थानीय सरकार रहेको बताए । ’हामीले राज्यलाई सहयोग गर्दै आएका छौं तर राज्यले उचित सम्बोधन गर्न सकेको अवस्था छैन ।’ नकर्मीले भने, ’समृद्ध प्यूठान बनाउने अभियानमा प्यूठानका सबै स्थानीय सरकारसंग हामी संगसंगै हातेमालो गर्न चाहन्छौँ ।’
साधारण सभामा संस्थाको सांगठनिक प्रतिवेदन सचिव कमल प्रसाद पौडेलले प्रस्तुत गरेका थिए भने आर्थिक प्रतिवेदन कोषाध्यक्ष रोहिणीराज पोख्रेलले प्रस्तुत गरेका थिए। कार्यक्रममा नगर बजार क्षेत्रका संस्थापक अध्यक्ष केशव कर्माचार्यलाई कदर पत्र प्रदान गरिएको थियो।संस्थाले आव २०७९÷०८० तर्फ प्रस्तावित २५ लाख रुपैयाँ बराबरको आय तथा व्यय प्रस्तुत गरेको छ । आगामी २ वर्ष भित्र संस्थाको सचिवालय भवन निर्माण सम्पन्न गर्ने मुख्य लक्ष्य राखिएको प्युठान नगर बजार क्षेत्रका अध्यक्ष प्यार अलि खानले जानकारी दिए।
साधारण सभाले अनाधिकृत झोले कुम्ले, सडक व्यापार, घुमन्ते व्यापारलाई पूर्ण रूपमा निरुत्साहित गर्ने, करदाता शिक्षा कार्यक्रम सञ्चालन गर्ने, व्यवसायिक कर तर्फ नगरपालिकासंग साझेदारी गर्दै एकद्वार प्रणाली लागु गर्ने आदि प्रस्तावित कार्यक्रमहरु पारित गरेको छ। साधारण सभामा नेपाल पत्रकार महासंघका केन्द्रिय सदस्य सुशिल पोख्रेल, नगर प्रवक्ता सुमनराज श्रेष्ठ, पत्रकार महासंघ प्यूठान शाखाका अध्यक्ष सञ्जय रिजाल, उद्योग वाणिज्य संघ प्यूठानका महासचिव सन्देश आचार्य लगाएतले शुभकामना मन्तव्य राखेका थिए।

प्रतिकृया दिनुहोस्

माण्डवी गाउँपालिकामा महोत्सव लाग्दै

प्यूठानको माण्डवी गाउँपालिका १ त्रिवेणीमा कृषि तथा पर्यटन प्रवद्धनका लागि प्रथम माण्डवी महोत्सव सञ्चालन हुने...

सामुदायिक विपद व्यवस्थापन समितिको क्षमता वृद्धि तालिम प्यूठान नगरपालिकामा

प्यूठान नगरपालिकामा समुदायको अगुवाईमा विपद जोखिम न्युनिकरण परियोजना अन्तर्गत सामुदायिक विपद व्यवस्थापन समितिको क्षमता वृद्धि...

नेपाल नेत्रज्योति संघको २८ औं स्थापना दिवसमा निशुल्क आँखा परीक्षण

नेपाल नेत्रज्योति संघको २८ औं स्थापना दिवसको अवसरमा निशुल्क आँखा परीक्षण गरिएको छ । मंगलबार...

रङ्गहरूको पर्व होली, पहाडी जिल्लाहरूमा हर्षाेउल्लासका साथ मनाइँदै

आज फागु पूर्णिमा अर्थात रङ्गहरूको पर्व होली, पहाडी जिल्लाहरूमा एकआपसमा हर्षाेउल्लासका साथ मनाइँदै छ ।...

डाक्टर महावीर पुन प्यूठानमा

राष्ट्रिय आविष्कार केन्द्रका संचालक वैज्ञानि डाक्टर महावीर पुन प्युठान अएका छन । आफ्नो जिवन काहानी...