नौबहिनी गाउँपालिकाले आर्थिक बर्ष २०७९÷०८० को द्धितिय त्रैमाषिक सामाजिक सुरक्षा भत्ता वितरण गर्न थालेको छ । गाउँपालिकाले यो आर्थिक बर्षदेखी अब वडा कार्यालयबाट नै भत्ता वितरण गर्न लागेको हो । भौगोलिक विकटताको समस्या, सबै ठाउँमा सडकको असुविधा, समय बढि लाग्ने र भाडा दरमा नै पैसा फजुल खर्च हुने लगायतका समस्याहरुालाई मध्यनजर गर्दै जेष्ठ नागरिकहरुलाई सम्मानको लागि वडा कार्यालयबाट दिन लागिएको नौबहिनी गाउँपालिका प्रमुख प्रशासकीय अधिकृत शिवराज पौडेलले जानकारी दिए । गाउँपालिकाले सुरक्षा भत्ता लिने व्यक्तिले सामाजिक सुरक्षा भत्ता परिचय पत्र, नागरिकता वा सम्बन्धित कागजात सहित आ–आफ्नो वडा कार्यालय वा सुरक्षा भत्ता बुझिलिने स्थानमा पेश गर्न अनुरोध गरेको छ ।

१४ गते १ नं वडा कार्यालय स्याउलिवाङ, १६ गते २ नं वडा कार्यालय लिघा, १७ गते ३ नं वडा कार्यालय सारिवाङ, १८ गते ७ नं वडा कार्यालय थात्रा, १९ गते ५ नं वडा कार्यालय डामृ, २२ गते ४ नं वडा कार्यालय खवाङ, २३ गते ८ नं वडा कार्यालय फोप्ली र २५ र २६ गते ६ नं वडाका लागि भने नेपाल इन्भेष्टमेन्ट मेगा बैंक बहाने बाट सुरक्षा भत्ता दिने भएको छ । साथै वडा कार्यालयबाट भत्ता नलिएका वा छुटेका लाभगा्रहीहरुले बैंकको बहाने शाखामा गई माघ २७ गते पछि भुक्तानि लिन सकिने समेत बताएको छ । ६ नं वडाको बिहान ९ः३० बजे देखी साँझ ५ बजेसम्म भत्ता लिन सकिने छ भने अन्य वडाको समय भने बिहान ८ः०० बजे देखी दिउँसो ३ः०० बजेसम्म हुने बताइएको छ ।