प्यूठान नगरपालिका नगरप्रमुख बिष्णु बहादुर योगीले शिक्षकहरुको व्यक्तित्व विकास गर्न तालिमको आवश्यकता रहेको बताएका छन् । निजी तथा आवासीय विद्यालय अर्गनाइजेसन नेपाल प्याप्सन जिल्ला कार्यसमिति प्यूठान र ऐरावती प्रकाशन प्रा.लि काठमाडांैको सयूक्त आयोजनामा १ दिने नेपाली भाषा शिक्षण पाठ्यक्रम तथा सिर्जनात्म लेखन अन्तरक्रिया कार्यक्रममा शिक्षकहरुको व्यक्तित्व विकास तथा प्रभावकारी शिक्षणमा यो तालिम अति नै आवश्यक रहेको बताए ।

उनले तालिमबाट सिकेका कुराहरु शिक्षकले कक्षाकोठामा पढाउँदा विद्यार्थीहरुलाई सोही अनुरुपका सिकाईहरु सिकाउन आग्रह गरे । साथै उनले निजी बिद्यालयहरुको शैक्षिक गुणस्तरको लागि आवश्यक सहयोग गर्न नगरपालिका तयार रहेको पनि जानकारी दिए । निजी तथा आवासीय विद्यालय अर्गनाइजेसन नेपाल प्याप्सन जिल्ला कार्यसमिति प्यूठानका अध्यक्ष दिपेन्द्र जि.सि ले प्रशिक्षकबाट पाएको ज्ञानलाई विद्यार्थीहरुको सिर्जनात्मक एंव पाठ्यक्रम अनुसारको सीप सिकाउने क्षमता विकास हुनुपर्ने बताए ।

साथै कार्यक्रममा शिक्षकहरुका लागि नेपाली भाषाको शिक्षण सम्बन्धि, नयाँ एकिकृत पाठ्यक्रम सम्बन्धि अवधारणा, बिद्यार्थीहरुलाई कसरि सिर्जनात्मक लेखन गर्न सकिन्छ लगायतका विषयमा अन्तरक्रिया गराइएको प्याप्सन जिल्ला कार्यसमिती प्यूठानका सचिव शरद गौतमले जानकारी दिए । प्याप्सनले शिक्षकहरुलाई प्रभावकारी शिक्षणका लागि पुर्नताजकिय गराउने उदेश्यका साथ कार्यक्रम गरिएको समेत बताए । निजी तथा आवासीय विद्यालय अर्गनाइजेसन नेपाल प्याप्सन जिल्ला कार्यसमिति प्यूठान र ऐरावती प्रकाशन प्रा.लि काठमाडौंको सयूक्त आयोजनामा १ दिने नेपाली भाषा शिक्षण पाठ्यक्रम तथा सिर्जनात्म लेखन अन्तरक्रिया कार्यक्रम होटेल आयूस्मामा सम्पन्न भएको हो।