ग्रामीण क्षेत्रमा पहिलोपटक निशुल्क अल्ट्रासाउन्ड सेवा सुरु भएको छ । जिल्लाको माण्डवी गाउँपालिका वडा न.१ तिराम स्वास्थ्य चौकिबाट गर्भवती महिलाहरुका लागि निशुल्क अल्ट्रासाउन्ड सेवा सुरु गरिएको वडा अध्यक्ष बाम बहादुर बुढामगरले जानकारी दिए ।
स्वास्थ्यमा सहज पहुँच पु¥याउने उदेश्यले विशेष गरी गर्भवती महिलाहरुलाई लक्षित गरेर आइतबार देखि प्रत्येक महिनाको १५ गते अल्ट्रासाउण्ड सेवा दिइने अध्यक्ष बुढामगरले बताए । सोही अनुसार आइतबार पहिलोपटक तिरामका १२ जना गर्भवती महिलाहरुले सेवा लिएका छन् । गाउँपालिकासगँ समन्वय गरेर आगामी दिनमा पनि अल्ट्रासाउण्ड सेवालाई निरन्तरता दिने उनले बताए ।
यसअघि त्यहाँका स्थानीय लामो यात्रा गरेर बिजुवार, घोराही लगायतका ठाउँमा सेवा लिन जान बाध्य थिए । अब गाउँमै सहजरुपमा सेवा पाउने भएपछि स्थानीय खुसी भएका छन् ।