६० वर्ष भन्दा माथिका जेष्ठ नागरीकको आँखा उपचार खर्च झिमरुक गाउँपालिकाले वेर्होन भएको छ । आईतबार झिमरुक गाउँपालिका र प्रस्तावित नरेन्द्र गायत्री आखाँ अस्पताल बिजुवार प्यूठानले गाउँपालिका भित्र रहेका ६० वर्ष माथिका ज्येष्ठ नागरिक तथा आँखा रोगिहरुका लागि उपचार तथा बन्दोबस्तको सम्झौता गरेको गाउँपालिका अध्यक्ष पित बहादुर महतरा क्षेत्रीले बताए ।
गाउपालिकाले आँखाको अप्रेसनको लागि प्रतिव्यक्ति ५ हजार र औषधि वाफत १ हजार गरि ६ हजार दिने भएको छ । त्यस्तै आँखा अप्रेसन बाहेक अन्य आँखाका रोगिहरुले उपचार गराएमा उपचारको बिल अनुसार भुक्तानी गरिदिने समेत गाउँपालिका अध्यक्ष पित बहादुर महतरा क्षेत्रीले बताए ।
त्यसका लागि आर्थिक बर्ष असार मसान्तसम्मको लागि गाउँपालिकाले कुल ५ लाख बजेट विनियोजन गरेको समेत अध्यक्ष महतराले बताए । झिमरुक गाउपालिका भित्र रहेका आँखाका जो कोहि रोगिहरु अन्धकार भएर बस्न नपरोस भनी उक्त कार्यलाई बढी प्राथमिकता दिएको उनको भनाई छ ।

गाउपालिकाले विगत ३ बर्ष अघि देखि आँखा बिरामीका लागि अनुदानको रुपमा बजेट बिनियोजन गर्दै आएको छ । २०७७÷०७८ मा ३ लाख, २०७८÷०७९ मा ४ लाख ५० हजार र यो आर्थिक बर्षमा ५ लाख गरि अहिलेसम्म गाउपालिकाले कुल १२ लाख ५० हजार रकम गाउँवासीहरुको आँखा उपचारमा बजेट छुट्टाइसकेको छ ।
त्यस्तै गाउँपालिकामा रहेका महिला सामुदायिक स्वास्थ्य स्वयंसेविकाहरूको उपचार र वन्दोवस्त गर्नको लागि झिमरुक गाउँपालिका स्वास्थ्य शाखा प्रमुख विकास के.सी. र प्रस्तावित नरेन्द्र गायत्री आखाँ अस्पताल प्यूठानका कार्यालय प्रमुख सुजाता भण्डारीको रोहवरमा प्रमुख प्रशासकीय अधिकृत सुवाश रिजाल र व्यवस्थापक समितिका सदस्य अर्जुन कुमार कक्षपति विच सम्झौता भएको हो ।