०२ फागुन २०७९स्वर्गद्वारी प्यूठान पाँचौ महोत्सव २०७९ को तयारी अन्तिम अवस्थामा पुगेको आयोजकले जनाएको छ । महोत्सवका लागि आवश्यक तयारीहरु तिव्र गतिमा भइरहेको छ । प्यूठान नगरपालिका ४ स्थित गणतान्त्रिक खेलकुद मैदान क्षेत्रमा स्टलहरु तयार पारिएको छ ।
महोत्सवको लागि दुई सय ५० स्टलहरु बुकिङ भइसकेको प्यूठान उद्योग बाणिज्य संघका पे्रस सल्लाहाकार बिजयसिहं भारतीले बताए । महोत्सवमा ५० प्रतिशत स्टल जिल्ला भित्रकालागि छन्, भने ५० प्रतिशत जिल्ला बाहिरकाको लागि तयारी भएको भारतीले जानकारी दिए । जिल्ला भित्रको लागि तयार पारिएका स्टलहरुमा स्थानीय उत्पादनमा कृषि उपजसँग संम्बन्धित कृषि तथा लघु उद्यममा आधारित स्थानीय उत्पादनालाई बढि प्राथमिकता दिइएको छ ।
स्थानीय उत्पादन तर्फ टिमुर, हलेदो, मह, आलु लगायतको प्रदशनि हुने छ । यस्तै लघु उद्यम तर्फ चोया, चित्रो, डल्स, दालमोठ, साबुन, अचार समेत महोत्सवमा पाउन सकिने आयोजकले बताएको छ । यसपालिको महोत्सवमा प्यूठान उद्योग बाणिज्य संघका सदस्यहरुलाई २५ प्रतिशत छुट भएको कारण महोत्सवमा स्थानीय व्यापारीको आकर्षण बढेको छ । होटल तथा स्थानीय परिकार सहित दुना, टपरी र लोकल परिकार लाइ प्रोत्साहन दिइने भएको छ ।
महोत्सव स्थलमा जम्मा २ दुई ५० स्टल रहेका छन् । यस मध्य २ सय वटा व्यापारीक स्टल बुकिङ भइसकेको छ । बाँकी ५० वटा स्टलहरु आयोजकले स्थानीय उत्पादन लाई प्रोत्साहान नर्गको लागि निःशुल्क प्रदान गर्नेगरि सुरक्षीत राखेको जनाएको छ । महोत्सवको बिहीबार लुम्बिनी प्रदेशका मुख्यमन्त्री लिला गिरीले उद्घाटन गर्नेगरि तयारी पूरा भइसकेको महोत्सव मुल आयोजक समितिका संयोजक पशुपतीनारायण नकर्मीले बताए ।
