चर्को व्याजदर, लघुवित्त र मिटर व्याज विरुद्ध प्यूठानमा विरोध प्रदर्शन गरिएको छ ।

सोमबार नेपाल कम्युनिष्ट पाटी (विप्लव समुह)ले विरोध र्‍याली सहित कोणसभा गरेको छ । नेपाल कम्यूनिष्ट पाटिका केन्द्रीय सदस्य तथा पाटिका जिल्ला इन्चार्ज जागृतीको नेतृत्वमा जुम्री बजारदेखि विजुवार बजारसम्म विरोध र्‍याली  सहित विरोध सभा गरेको हो ।

उक्त पार्टीका कार्यकर्ताले वित्तिय संस्थाको चर्को शोषण अन्त्य गर, राष्ट्रिय उद्योगी र व्यपारीलाई राहत दे, मिटर व्याजीलाइ कार्वाही गर , लघुवित्तको ज्यादती बन्दगर, एक अंकको व्याजदर लागुगर , पीडित जनताको व्याज मिनाहा गर , बढ्दो मंहगी अन्त्य गर जस्ता प्लेकार्ड बोकि विरोध प्रदर्शन गरेका थिए ।
पार्टीको केन्द्रीय निति अनुसार जिल्लामा पनि कार्यक्रम गरेको नेपाल कम्यूनिष्ट पाटिका केन्द्रीय सदस्य तथा जिल्ला इन्चार्ज जागृतिले बताएका छन साथै उनले चर्को व्याजदर  र लघुवित्तको ज्यादती अन्त्य गर्न पार्टी निरन्तर खबरदारीमा लाग्ने बताएका छन ।