२० फागुन २०७९ प्यूठाननेपाल औषधी व्यवसायि संघ जिल्ला शाखा प्यूठानको पाचौं अधिविेशन आज होटल आयुष्मा जुर्मिमा सम्पन्न भएको छ ।
आजको अधिवेशनले नयाँ जिल्ला कार्यसमिति पाएको छ ।
जसको अध्यक्षमा भगत कर्मचार्य, उपाध्यक्ष गोविन्द राज घिमिरे, महासचिव खिम प्रसाद पार्धे, सचिव मदन के.सी, उपकोषाध्यक्ष नविन गौतम र सदस्यहरुमा राधा देवी के.सी, गोपाल योगि, पार्वती बस्नेत रहेका छन् ।
नेपाल औषधी व्यवसायि संघ लुम्बिनी प्रदेश कमिटी महासचिव लुकराज न्यौपानेले जिल्ला संघ अझ शसक्त भएर सक्रिय रुपमा अगाडी बढनु पर्ने आवश्यकता रहेको बताए ।
नेपाल औषधी व्यवसायि संघ जिल्ला शाखा प्यूठानको पाचौं अधिविेशनलाई उदघाटन गर्दै महासचिव न्यौपानेले जिल्ला संघ संगठनहरु दृढताका साथ लागि पर्न आग्रह गरे ।
जिल्लामा आफ्नै कार्यालय नभए पनि यो संस्थाले औषधी पसलहरुको हितका लागि काम गर्दै आएको बताउदै यसलाई अझै सहज ढङ्गले आउदा दिनमा सराहनीय काम गर्दै जानेमा विश्वास लिए ।
साथै उनले कुनै औषधी व्यवसायिहरुलाई समस्या परेमा त्यसको लागि प्रदेश कमिटीले सहजिकरण गर्नमा साथ दिने बताए ।
अधिवेशन कार्यक्रममा २०२५ साल बैशाख २६ गते जिल्लामा पहिलो पटक औषधी व्यवसाय गर्ने मल्लरानी गाउँपालिका ४ खलंगा निवासी केपी मेडिकलका प्रो. कृष्णप्रसाद श्रेष्ठ, २०२७ कात्तिक मा रिजाल औषधी व्यवसायीका प्रो. जगन्नाथ रिजाललाई दोसल्ला ओढाएर कदर पत्रले सम्मान गरेको छ ।
निवर्तमान अध्यक्ष शिवराज श्रेष्ठको अध्यक्षतामा सुरु भएको कार्यक्रममा प्रमुख अतिथि नेपाल औषधी व्यवसायि संघ लुम्बिनी प्रदेश कमिटी महासचिव लुकराज न्यौपान, रोल्पा शाखाका अध्यक्ष शिव प्रसाद आचार्य, दाङ जिल्ला शाखाका अध्यक्ष बिष्णु प्रसाद पौडेल, नेपाल पत्रकार महासंघ जिल्ला शाखा प्यूठानका अध्यक्ष संजय रिजाल लगायतले शुभकामना मन्तव्य राखेका थिए ।
