स्वास्थ्य निर्देशानालय लुम्बिनी प्रदेशको आयोजनामा सञ्चारकर्मी र स्वास्थ्य कर्मीहरुसंग स्वास्थ्य प्रवद्र्धन सेवा सम्बन्धी पैरवी कार्यक्रम सम्पन्न भएको छ । बुधवार आयोजित कार्यक्रममा लुम्बिनी प्रदेश स्वास्थ्य निर्देशनालयका स्वास्थ्य शिक्षा अधिकृत भरत कुवरले स्वास्थ्य प्रवद्र्धन सेवा बारे जानकारी गराएका थिए ।
शारीरिक, मानसिक, सामाजिक र भावनात्मक स्वास्थ्य भएपछि मात्र मानिस स्वस्थ हुने कुवरले बताए । घर, समुदाय, खाना, पीउने पानी, सास फेर्ने हाबा, काम गर्ने कार्यक्षेत्र र स्वस्थकर व्यवहार राम्रो भएमा मात्र मानिस बिरामी परेर अस्पताल र क्लिनिकहरुमा धाउन नपर्ने उनको भनाइ थियो ।
स्वस्थ जीवन शैलीबारे प्रचारात्मक कार्यक्रमहरु कम प्रथामिकतामा परेका कारण नसर्ने रोगहरु बढ्दै गएको बताउदै उनले स्वास्थ्य सेवा प्रवद्र्धन सम्बन्धी पैरवी गर्न सबैको जोड दिनुपर्ने उनको भनाई थियो ।
ग्रामिण क्षेत्रमा सडक यातायात र भौतिक पुर्वाधारको विकासले मात्र समुन्नत समाज निर्माण नहुने भन्दै त्यसका लागि स्वास्थ्य क्षेत्रमा लगानी हुनुपर्ने कार्यक्रमका सहभागिहरुको जोड थियो ।
यसैबीच कार्यक्रमा प्यूठान नगरपालिकाका स्वास्थ्य शाखा प्रमुख गोबिन्द घिमिरेले प्यूठान नगरपालिका भित्रको स्वास्थ्य क्षेत्रका बिभिन्न सूचकहरुबारे जानकारी गराएका थिए ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
