प्यूठानको स्वर्गद्धारी नगरपालिका २ धनबाङमा आगलागी हुँदा ११ घर जलेर नष्ट भएका छन् ।

गयराती यहाँको धइरेनी सामुदायिक वनबाट लागेको आगो बस्तीमा पस्दा ११ घर र ८ गोठ जलेर नष्ट भएको प्रहरीले जनाएको छ ।

आगलागीमा परेर स्थानीयको १ बाख्रा र १५ वटा कुखुरा मरेका छन् । घरमा भएको अन्नपात लत्ताकपडा जलेको छ ।

आगलागीबाट भएको क्षतीको पूर्ण बिवरण आइनसकेको प्रमुख जिल्ला अधिकारी मदन कोइरालाले जानकारी दिए ।

नेपाल प्रहरी, नेपाली सेना, सशत्त्र प्रहरी वल र स्थानीयले रातीनै बस्तिको आगो नियन्त्रणमा लिएको प्रजिअ कोइरालाले बताए । जंगलको आगो नियन्त्रणको लागि प्रयास भइरहेको छ । आगलागी पीडितलाई राहतको लागि रेडक्रस, उद्योग बाणिज्य संघ लगायत संघसंस्थासंग समन्वय भइरहेको कोइरालाले जानकारी दिए ।

यस्तै आईतबार बेलुकादेखि जिल्लाका विभिन्न स्थानको जंगलमा भिषण डढेलो लागेको छ । प्यूठान नगरपालिका १ खैरा, २ को दाखाक्वाडी, मल्लरानी ३ को रस्पुरकोट, स्वर्गद्धारी नगरपालिका २ को धनबाङ लगातय स्थानको जंगलमा आगलागी भइरहेको जिल्ला वन डिभिजन कार्यालय प्यूठानले जनाएको छ ।