News Portal

रेडियो सुन्नुहोस्

प्यूठान जिल्ला पूर्ण खोप सुनिश्चित घोषणा

झुलेनी नेटवर्क२०८० असार २६
१०४ पटक
२०८० असार २६

प्यूठान जिल्लालाई पूर्ण खोप सुनिश्चित जिल्ला घोषणा गरिएको छ । जिल्लाका नौ वटै स्थानीय तहलाई पूर्ण खोप सुनिश्चितता गरेपछि मंगलबार एक कार्यक्रमको आयोजना गरी पूर्ण खोप सुनिश्चितता जिल्ला घोषणा गरिएको हो । ५ बर्ष मुनिका सबै बालबालिकाहरुलाई आर्थिक बर्ष २०७९/०८० मा राष्ट्रिय खोप कार्यक्रममा समावेश भएका सम्पूर्ण खोपहरु तालिका अनुसार पूरा गरेपछि जिल्लालाई पूर्ण खोप सुनिश्चितता भएको जिल्ला घोषणा गरिएको स्वास्थ्य कार्यालय प्यूठानले जनाएको छ ।


चालु आर्थिक बर्ष २०७९/०८० मा प्यूठान अस्पताल र स्थानीय तहका स्वास्थ्य संस्थाहरु मार्फत जिल्लामा ४ हजार १ सय भन्दा बढी बालबालिकाहरुलाई पूर्ण रुपमा १३ प्रकारका खोप लगाइएको स्वास्थ्य कार्यालय प्यूठानका प्रमुख हेमराज पाण्डेले बताए ।
२०६७ सालदेखि नेपाल सरकारले सुरु गरेको पूर्ण खोपको अवधारणा अनुरुप प्यूठान जिल्लालाई तत्कालिन मध्यपश्चिमाञ्चल विकास क्षेत्रको पहिलो जिल्लाको रुपमा २०७२ साल पुस १५ गते पूर्ण खोप जिल्ला घोषणा गरिएको थियो ।


जिल्ला खोप समन्वय समिति प्यूठानको आयोजनामा भएको पूर्ण खोप दिगोपना तथा सुनिश्चितता घोषणा कार्यक्रममा प्रमुख अतिथि लुम्बिनी प्रदेशका स्वास्थ्य मन्त्री राजु खनाल रहेका छन् । जिल्ला समन्वय समिति प्यूठानका प्रमुख धर्मबहादुर जि.सीको अध्यक्षतामा भएको कार्यक्रममा जिल्लाका स्थानीय तहका प्रमुख,उपप्रमुख, सरकारी कार्यालयका प्रमुख प्रतिनिधि, राजनीतिक दल, संघसस्था, सञ्चारकर्मी लगायतको सहभागिता रहेको थियो ।

प्रतिकृया दिनुहोस्

नेपाल विद्यार्थी संघ प्युठानले नगरपालिकालाइ ज्ञापनपत्र बुझायो

नेपाल विद्यार्थी संघ प्युठानले प्युठान नगरपालिकालाइ आइतबार ज्ञापन पत्र बुजाएको छ । नगरपालिका भित्रका विद्यालय...

प्यूठान अस्पतालको बाटो मर्मतका लागि अनुगमन

प्यूठान अस्पतालको सडक मर्मतको लागि अनुगमन गरिएको छ । आइतबार सडक पूर्वाधार विकास कार्यालय प्यूठानका...

कालिका भगवती र भैरव मन्दिर परिसरमा सरसफाइ

४४ औं सामाजिक सेवा दिवसको अवसर पारी विजुवार बजार स्थित कालिका भगवती र भैरव मन्दिर...

झुलेनी पोष्ट अनलाईनका सम्पादक भण्डारी पुरस्कृत

झुलेनी यूनाईटेड नेटवर्क प्रा.लिद्वारा सञ्चालित झुलेनी पोष्ट अनलाईनका सम्पादक हरि प्रसाद भण्डारी पुरस्कृत भएका छन्...

सरकार र शिक्षकहरूबीच सहमति भएपछि आन्दोलनका कार्यक्रम फिर्ता

काठामाडौं, सरकार र आन्दोलनरत शिक्षकबीच सहमति भएको छ । गृह मन्त्रालयमा आज शुक्रवार बसेको बैठकमा...