सामुदायिक वन दिवस प्यूठान सहित देशैभर मनाईएको छ । विहिबार जिल्लामा डिभिजन वन कार्यालय प्यूठान र सामुदायिक वन उपभोक्ता महासंघ प्यूठानको संयुक्त आयोजनामा स्वर्गद्धारी नगरपालिकामा एक कार्यक्रमको आयोजना गरेर दिवस मनाइएको हो ।

कार्यक्रममा सामुदायिक वनको हालको अवस्था र आगामी कार्ययोजनाको विषयमा छलफल भएको जिल्ला वन डिभिजन कार्यालय प्यूठानका अधिकृत दिपक के.सीले जानकारी दिए । अधिकृत के.सी का अनुसार श्रीखण्ड, कल्की फूल, विरेन्द्र फूल लगायत करिब १ सय ६० विरुवा रोपिएको छ ।

सामुदायिक वन उपभोक्ता महासंघ प्यूठानका अध्यक्ष ध्रुवकुमार थापाको अध्यक्षतामा भएको कार्यक्रममा प्रमुख अतिथि स्वर्गद्धारी नगरपालिकाका नगरप्रमुख टेक प्रसाद भण्डारी, विशिष्ट अतिथि उपप्रमुख मिनराज रानामगर, लुम्बिनी प्रदेश सामुदायिक वन उपभोक्ता महासंघका सदस्य दामोदर शर्मा, सव डिभिजन वन कार्यालय भिंगृका प्रमुख सितेस महतो लगायत संघसंस्थाका पदाधिकारीको सहभागिता थियो ।

‘वृक्षारोपण गरौ, वन जोगाऔं’, सामुदायिक वनको दिगो व्यवस्थापन गरि सामाजिक न्याय सुशासन र आर्थिक सम्वृद्धि हासिल गर्ने दिशामा अघि बढौं” भन्ने मुल नारासहित कार्यक्रम गरिएको हो ।