नरेन्द्र गायत्री आँखा अस्पताल विजुवारमा एक सय भन्दा बढि विरामीले आँखा चेकजाँच गरेका छन् । जसमध्ये ५१ जना मोतिविन्दु भएका विरामीहरुको शल्यक्रिया गरिएको नरेन्द्र गायत्री आँखा अस्पताल विजुवारकी कार्यालय प्रमुख लक्ष्मी मल्ल ठकुरीले जानकारी दिईन् । प्रमुख ठकुरीका अनुसार कोही पनि आँखाका रोगीहरु जिल्ला बाहिर जानुपर्ने अवस्था रहेन् ।

लुम्बिनी नेत्र बिज्ञान अध्ययन संस्थान रणअम्बिका शाहा आँखा अस्पताल भैरहवाबाट आँखा सम्बन्धि बिशेषज्ञ सहितको टिम विहिबार प्यूठान आएका थिए । जिल्लाका विभिन्न ठाउँबाट आँखाका विरामीहरुले विशेषज्ञ सहितिकोे सेवा लिएका छन् । जिल्लामै मोतिविन्दुको शल्यक्रिया गर्न पाउँदा विरामीहरु उत्साहित भएका थिए ।

शिविरमा मधुमेह, प्रेसर भएका, आँखाको नानीमा घाउ भएका, आँखामा चोटपटक लागेका र आँखाको मोतिविन्दु भएका विरामीहरुले सेवा लिएका थिए ।