२०८० भदौ २५प्यूठान नगरपालिका वडा न ६ मा गत आर्थिक वर्ष २०७९/०८० मा सभा २ करोड बढी बजेट खर्च भएको छ । वडा, नगरपालिका, प्रदेश सरकार, राष्ट्रपती शैक्षीक सुधार, मुख्यमन्त्री शैक्षीक सुधार तथा सडक बोर्डको बजेट कार्यान्वयन भएको वडा अध्यक्ष नरेन्द्र पुन मगरले बताए ।
नगरसभाबाट स्वीकृत बजेट १ करोड १६ लाख, मेयर र उपमेयर कोष अन्तर्गत ५ लाख, राष्ट्रपती शैक्षिक सुधार अन्तर्गत ६ लाख, मुख्यमन्त्री शैक्षिक सुधार अन्तर्गत १ लाख ३० हजार, प्रदेश सरकार अन्तर्गत ६९ लाख, सडक बोर्ड अन्तर्गत २२ लाख गरी जम्मा २ करोड १९ लाख ३० हजार रुपैयाँ कार्यान्यन भएको मगरले जानकारी दिए ।
शनिबार वडाकार्यालयको वार्षिक समिक्षा कार्याक्रममा वडामा आएको बजेट खर्चको विवरण वडाध्यक्षले जानकारी गराएका थिए । कार्यक्रमा बोल्ने बक्ताहरुले नयाँ जनप्रतिनिधि आएपनि काम पूरानै शैलीमा भइरहेको गुनासो गरेका थिए ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
