२०८० असोज ७नेपाल विद्यार्थी संघ प्युठानले प्युठान नगरपालिकालाइ आइतबार ज्ञापन पत्र बुजाएको छ । नगरपालिका भित्रका विद्यालय निरिक्षक तथा काजमा रहेका शिक्षक लाई आफ्नो पदाधिकार रहेको विद्यालयमा पठाउन माग गर्दै ज्ञापन पत्र बुझाएको नेपाल विद्यार्थी संघ प्युठानका अध्यक्ष कल्याण बिक्रम केसीले बताए ।
नेपाल सरकार शिक्षा विज्ञान तथा प्रविधी मन्त्रालय , शिक्षा तथा मानव श्रोत विकास केन्द्र ले मिति २०८० भदौ १ गते ७५३ वटै स्थानीय तहहरुलाई गरेको पत्र अनुसार स्थानीय तहका शिक्षा शाखामा विद्यालय बाट शिक्षक काजमा झिकाई कर्मचारी सरह जिम्मेवारी दिई कामकाजमा खटाइएका शिक्षकहरुलाई ७ दिन भित्र अविलम्ब दरवन्दी भएका विद्यालयहरुमा फिर्ता पठाउन पर्ने विज्ञप्तिमा उल्लेख गरिएका छ ।
प्यूठान जिल्ला िस्थत नौ वटै स्थानीय तह मध्ये आठ वटा स्थानीय तहले उक्त परिपत्र कार्यान्वयन गरिसकेका छन । तर प्यूठान नगरपालिकाले भने कार्यान्वयन नगरेको भन्दै नेपाल विद्यार्थी संघ प्यूठानको गम्भिर ध्यानाकर्षण भएको भन्दै प्यूठान नगरपालिकालाई ज्ञापन पत्र बुझाएको हो ।
