बिबश जि.एम२०८० असोज ८
२०८० असोज ८आर्थिक बर्ष २०८०/०८१ मा सञ्चालन हुने योजनाहरुको कार्यान्वयन गर्न वडाले टोल टोलमा पुगी सुझाव लिने गरेको छ । माण्डवी गाउँपालिका वडा नं ३ नयाँगाउँले अहिले जनप्रतिनिधि र वडाको प्राविधिक सहितको टिम वडाको टोलटोलमा पुगी योजनाको कार्यान्वयन पक्षमा जनगुनासो लिने काम गरेको हो ।
वडाबासीका सुझावको आधारमा विभिन्न बिषयमा बजेट विनियोजन गरिएको वडाध्यक्ष धनेन्द्र कार्कीले जानकारी दिए । उनका अनुसार वडामा सबैभन्दा धेरै पूर्वाधार विकास तर्फ शिक्षा, स्वास्थ्य, खानेपानी तथा सिँचाइमा बजेट बिनियोजन गरिएको छ ।
आर्थिक बर्ष २०८०/०८१ को लागि वडामा ३५ लाख रुपँैया बजेट बिनियोजन गरिएको अध्यक्ष कार्कीले जानकारी दिए । टोल बस्तीमा पुगी जनताको सुझाब लिंदा स्थानीय पनि सन्तुष्ट भएको अध्यक्ष कार्कीको भनाई छ ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
