२०८० असोज २८नेकपा एमाले पोलिटब्युरो सदस्य एवम् प्रतिनिधि सभा सदस्य सुर्य थापाले प्यूठानको खलंगालाई तनहुँको बन्दिपुर जस्तो बनाउन स्थानीयको महत्वपूर्ण भूमिका हुने बताएका छन् । आइतबार बिहान प्यूठानको मललरानी गाउँपालिका–४ खलंगा स्थित पाटीचोकमा अम्ब्रेला स्टिट्र कार्यक्रमको उद्घाटन गर्दै थापाले यस्तो बताएका हुन् । स्थानीय बासिन्दा र यहाँका सरोकारवालाले ध्यान दिएमा आन्तरिक पर्यटकको रोजाई प्यूठान सदरमुकाम खलंगालाई तनहुँको बन्दिपुरजस्तो बनाउन सम्भव रहेको उनले बताए ।
अन्तर खलंगा आवासीय समाज प्यूठानको आयोजना, मल्लरानी गाउँपालिका प्यूठानको समन्वय र खलंगा सरोकार समुह प्यूठानको सहकार्यमा खलंगालाई शिक्षा, स्वास्थ्य र पयर्टकीय स्थलको रुपमा विकास गरौ भन्ने मुल नारा सहित खलंगामा अम्ब्रेला स्टिट्र निर्माण गरिएको आयोजकले बताएको छ ।
बडा दशै, नेपाल सम्बत, शुभ दिपावली तथा छठ २०८० को अवसरमा सदरमुकाम खलंगा र समग्र मल्लरानीको पर्यटकीय प्रवर्द्धन र मल्लरानी गाउँपालिकाको ग्रिनसिटि खलंगा अवधारणालाई टेवा पुर्याउने उद्देश्य सहित असोज २८ गतेदेखि मंसिर १० गतेसम्म खलंगा पाटीचोकमा कार्यक्रम हुने भएको छ । कार्यक्रममा छाता, गमला, ध्वजापताका लगायतका सामग्रीहरुले रङ्गाउने कार्यक्रम रहेको छ ।
अन्तर खलंगा आवासीय समाज प्यूठानका अध्यक्ष भुप बहादुर पुनको अध्यक्षतामा सुरु भएको कार्यक्रमको सञ्चालन इमानसिह भारतीले गरेका थिए ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
