News Portal

रेडियो सुन्नुहोस्

पुस्तकालयमा रमाउँदै-सिक्दै विद्यार्थीहरु

घनश्याम अस्तित्व प्यूठान कार्तिक १७
७१५ पटक
प्यूठान कार्तिक १७

जब एघार बज्छ, पुस्तकालयको ढोका खुल्छ । ढोका वरिपरि पुस्तकहरू समाएर झूमेका बिद्यार्थीहरू पुस्तकालय भित्र पस्छन् । कोही लगेको किताब पढी सकेर बुझाउछन्, कोही त्यही बसेर पढ्छन् त कोही नयाँ किताव बोकेर निस्कन्छन् । यस्तो दृश्य देखिन्छ आजकाल जनता माध्यामिक बिद्यालय ऐरावती-६ बिजुली प्यूठानको पुस्तकालय सेरोफेरोमा ।

एक बिद्यालय – एक पुस्तकालय कार्यक्रम अन्तर्गत यही शैक्षिक सत्रको सुरूआतमा जिल्ला शिक्षा विकास तथा समन्वय इकाईको आर्थिक सहयोगमा बिद्यालयमा पुस्तकालयको स्थापना भएको हो । रूम टु रिड कार्यक्रम अन्तर्गत पनि बिद्यालयमा केही पुस्तकहरू आएको तर राम्रो र ब्यवस्थित पुस्तकालय स्थापना गर्ने सपना यसपटक पुरा भएको बिद्यालयका प्रधानध्यापक खडानन्द पौडेलले बताउनुभयो ।

जिल्लाको पश्चिम क्षेत्रकै पहिलो, २०१६ सालमा स्थापित बिद्यालय ज.मा.बि. शैक्षिक उपलब्धिका हिसाबले पनि बेलाबखत चर्चामा आउने उहाँले बताउनुभयो । पुस्तकालय निर्माण पश्चात बिद्यार्थीहरू बिद्यालयको पाठ्यक्रममा आधारित पुस्तकहरूमा मात्रै आफ्नो अध्ययन सिमित नगरेर आफ्नी रूचिका बिभिन्न क्षेत्रहरूको पुस्तकहरूको पनि अध्ययन गर्दछन् ।

त्यसमा पनि कुनै दिन खाली हुने पिरियडमा बिद्यार्थीहरूले आफ्नो समय पुस्तकालयमा बिताउछन् । “पुस्तकालयभित्र अध्ययन गरि नसिध्यिने पुस्तकहरू बिद्यार्थीहरू आफ्नो घरमा लैजाने र अध्ययन गरि सिध्याएपछि पुस्तकालयको नियम बमोजिम तोकिएको दिनभित्र पुस्तकालयमा लिएर बुझाउने गर्दछन्”, लाइब्रेरियन देवा गुरूड़ले बताउनु भयो ।

पुस्तकालयमा बिभिन्न बिधा कला-साहित्य, राजनीति, धर्म, दर्शन, कृषी, बिज्ञान, सामान्य ज्ञान लगायतका हजार बढि पुस्तकहरू छन् । पुस्तकालय निर्माणसंगै शिक्षक, बिद्यार्थी र स्थानीय बुद्धिजिबीहरू सबैमा अध्ययन गर्ने बानी र संस्कृतिको झन् बढि बिकास हुँदै जान थालेको छ ।

प्रतिकृया दिनुहोस्

हामीस‌ग जोडिनुहोस।

अनाथ बालबालिकालाई सहयोग

हिजो आइतबार मल्लरानी गाउँपालिका वडा नं ३ का २ जना अनाथ बालबालिकालाई आर्थिक सहयोग गरिएको...

चौतारीको स्थापना दिवसमा सम्मान सहित विविध कार्यक्रमको आयोजना

प्रेस चौतारी नेपाल जिल्ला शाखा प्यूठानले २५ औं स्थापना दिवसको अवसरमा विविध कार्यक्रमको आयोजना गरी...

प्रेस चौतारी नेपालको २५ औं स्थापना दिवस प्युठानमा पनि मनाउने

प्रेस चौतारी नेपालको २५ औं स्थापना दिवसको अवसरमा प्युठान शाखाले विविध कार्यक्रम गरि मनाउने तयारी...

मान्डवि गाउँपालिका ३ का विभिन्न स्थानमा सम्पन्न एक हजार मिटर पक्कि कुलो तथा सार्वजनिक धारो निर्माणको अनुगमन

प्रधानमन्त्री स्वरोजगार कार्यक्रम अन्तरगत मान्डवि गाउँपालिका ३ मा सम्पन्न भएका एक हजार मिटर पक्कि कुलो...

एक दिने बाख्रा पालन कार्यक्रम बिजयनगरमा सम्पन्न

एक दिने बाख्रा पालन कार्यक्रम शनिबार प्यूठान नगरपालिका ३ बिजयनगरमा सम्पन्न भएको छ । एकिकृत...

हामिस‌ग जोडिनुहोस।

समाचार सुचना र मनोरञ्जनका लागी