२०८० कात्तिक २४स्वर्गद्धारी नगरपालिका वडा नं ५ सारीले तिहारमा मौलिक झल्किने खालको देउसीभैलो खेल्ने उत्कृष्ट समुहलाई सम्मान गर्ने भएको छ । शुक्रबार बसेको वडा समितिको निर्णय अनुसार यस बर्षको तिहारमा मौलिक झल्कने देउसीभैलो कार्यक्रममा उत्कृष्ट २ समुहलाई सम्मान गर्ने निष्कर्ष निकालेको हो ।
पुराना मौलिक कला संस्कृति हराउँदै जादा देउसी भैलोको मर्म नै मेटिन सक्ने खतरा भएको भन्दै वडाले पुराना लोक संस्कृति जगाउन यस्तो निर्णय गरेको वडाध्यक्ष गिर बहादुर घर्ति मगरले जानकारी दिए । पछिल्लो समय संस्कृति समेत परनिर्भरता भइरहेकोले नयाँ पुस्तालाई यसको बारेमा ज्ञान समेत नभइरहेको समयमा यसले पछिका पिढीलाई कला संस्कृतिमा संरक्षण गर्नमा थप सहयोग अपेक्षा लिएको वडाध्यक्ष घर्तिको भनाई छ ।
साथै यस्तो कार्यले वडामा मात्र नभई सिंगो राज्यलाई समेत सहयोग पुग्ने विश्वास लिएको वडा सदस्यहरुकोे भनाई छ ।
