२०८० पुष ३प्युठान नगरपालिका वडा नम्बर ८ को गेजवाङमा बेसार प्रशोधन केन्द्र स्थापना भएको छ । जापान सरकारको आर्थिक सहयोगमा केन्द्र स्थापना गरिएको प्रशोधनको उद्घाटन गर्दै नेपालका लागि जापानी राजदुत किकुता युटुकाले परियोजना सफल भएकोमा खुशी व्यक्त गरे ।
वडाका करिव ५ सय ५० घरधुरीले बिशादी प्रयोग नगरिएको बेसारको धुलो बनाएर बिक्री गर्न सके राम्रो मुल्य पाउने बताए । जापान सरकारले सामाजिक–आर्थिक बिकासका लागि भोल नेपाल अन्तर्गत करीब १ करोड रुपैयाँ सहयोग उपलब्ध गराएको थियो । केन्द्रबाट गुणस्तरीय उत्पादन र राम्रो मुल्य पाउने राजदुत युटुकाको बिश्वास छ । यस्ता कार्यले नेपाल र जापन बीचको सम्बन्ध अझ प्रगाढ हुने पनि बतााए ।
कार्यक्रममा भोल नेपालका शिव रिमालले बेसार खेतीका लागि स्थानीयले देखाएको उत्साहको प्रशंसा गरेका छन् ।
नगरपालिकाका उप–प्रमुख देवेन्द्र वर्माले अर्गानिक र ब्याबसायिक उत्पादन गर्न सहयोग पुग्ने बिश्वास लिएका छन् । उनले नगरवासीको आर्थिक बिकासका लागि कोशेढुङा सावित हुने पनि बताए । धर्मावती महिला बचत तथा ऋण सहकारीका अध्यक्ष पबित्रा जिसीले सहकारीका महिला, महिला उद्यमीको आयआर्जन बढाउन केन्द्रले सहयोग गर्नुपर्ने माग गरेका छन् ।
फ्रान्सका पुर्व राजदुत मोहन कृष्ण श्रेष्ठले जापान सरकार र नेपालबीच ६७ वर्षको मित्रता रहेको भन्दै जापान सरकारले नेपालको बिकासमा धेरै सहयोग गरेको र आगामी दिनमा पनि यस्तै सहयोग निरन्तर रहने प्रतिवद्धता जनाए । नगरप्रमुख बिष्णु बहादुर योगीले केन्द्रको नियमित संचालन र दिगोपना दिने प्रतिबद्धता व्यक्त गरेका छन् । कार्यक्रमको संचालन वडा सचिब कृष्ण थापाले गरेका थिए ।
