News Portal

रेडियो सुन्नुहोस्

जसले बनाए बिजुवारको कालिका मन्दिर

गिरुप्रसाद भण्डारी२०८० पुस १३
२०९ पटक
२०८० पुस १३

प्यूठान–साविकको बिजुवार गाविस ७ टारीका गोपाल र रमा भण्डारी बसाई सरेर कैलालीको धनगढी गएको ५४ वर्ष बढिभयो । साथीभाई दौतरीलेसंगै खेलेको, डुलेको भुलिसकेहोलान् । तर,उनीहरुले आफ्नो जन्मथलो,साथीभाई भुल्न सकेनन् । २०२६ सालमा बसाईसरेका गोपाल भण्डारीले पाँच दशकपछि जन्मथलोको मायाले प्यूठान नगरपालिका–४, बिजुवार स्थित कालिका भगवती मन्दिर लाखौँ रुपैयाँ खर्च गरेर पूनर्रनिर्माण गरेका छन् ।

बिजुवारका स्थानीय बिज्ञानबहादुर कर्मचार्यको आग्रहमा पूरातत्व विभागको डिजाइन स्टिमेट अनुसार ६ सय वर्ष पूरानो कालिका भगवतीको मन्दिर भण्डारी परिवारले निर्माण गरेका हुन् । गोपाल र रमा भण्डारीले ५० लाख बढि रकम खर्च गरेर कालिका भगवतीको मन्दिर निर्माण गरेको प्यूठान नगरपालिकाका निवर्तमान नगरप्रमुख अर्जुनकुमार कक्षपतिले बताए ।

२०७६ सालबाट निर्माण थालेको मन्दिर हिजोआज निर्माण सम्पन्न भएर रङरोगनले चिटिक्क देखिएको छ । ‘जगदेखिनै सबै निर्माणको लागत हामीले व्यहोरेका छौ,’गोपाल भण्डारीले भने, ‘पूरानो डिजाइन अनुसार निर्माण गरिएको छ ।’ जन्मथलो र साथीभाईको मायाले सधैंको सम्झनाको लागि मन्दिर निर्माण गरेको ७७ वर्षीय गोपाल र ७१ वर्षीय रमाले सुनाए । ३ छोरा र १ छोरीहरुको सल्लाहमा प्यूठानको कालिका मन्दिर निर्माण गरेको रमाले बताइन् । मन्दिर निर्माणको चरणमा रेखदेख गर्न रमा र गोपाल आफै खटेको स्थानीय शरेन्द्रराज अधिकारीले बताए ।

जिल्लाको मुख्य बजारी केन्द्र मानिने बिजुवारको कालिका मन्दिरमा दसै तिहार, चैते दसै, माघेसक्रान्ति लगायत मुख्य/मुख्य चाडपर्वमा ठूलो संख्यामा भक्तजन कालिका भगवतीको दर्शनका लागि आउने गर्दछन् । यो भन्दा पहिले यो मन्दिर जिर्ण हुँदा साविक बिजुवार ७ टारीकै दुर्गाप्रसाद सुबेदीले मन्दिर मर्मत गरेको शिलालेखमा उल्लेख छ ।

प्रतिकृया दिनुहोस्

रक्तदाता दिवसको अवसरमा प्यूठानमा १५ जनाले गरे रक्तदान

विश्व रक्तदाता दिवस प्यूठानमा पनि मनाईएको छ । नेपाल रेडक्रस सोसाईटी जिल्ला शाखा प्यूठानको आयोजना...

प्यूठानको ऐरावतीमा भिरबाट लडेर एक पुरुषको मृत्यु

प्यूठानको ऐरावती गाउँपालिकामा एक पुरुषको भिरबाट लडेर मृत्यु भएको छ । शुक्रबार विहान साढे ११...

माण्डवी गाउँपालिकाले दिगो विकास लक्ष्यको स्थानीयकरण गर्दै

माण्डवी गाउँपालिकाले दिगो विकास लक्ष्यको स्थानीयकरणका लागि कार्य सुरु गरेको छ । संयुक्त राष्ट संघमार्फत...

एकै दिनमा २ सय ५० जनाले आँखा जाँच गराए

आँखा अस्पताल बिजुवारमा एक दिने शिविर सम्पन्न भएको छ । शिविरबाट २ सय ५० जनाले...

जिल्ला पूर्ण खोप सुनिश्चितता घोषणा गर्ने तयारीमा

प्यूठान जिल्लाका सबै स्थानीय तह पूर्ण खोप सुनिश्चितता पालिका घोषणा भएका छन् । जन्मेदेखि १५...