प्यूठान
अखिल नेपाल महिला संघ (अनेमसंघ)प्यूठानको अध्यक्षमा पुनः भगवती खड्का निर्वाचित भएकी छन्।
मंगलबार शहिद उमेशचन्द्र स्मृति प्रतिष्ठान भवन बिजुवारमा भएको अनेम संघ प्यूठानको छैठौं जिल्ला सम्मेलनले खड्काको नेतृत्वमा ५१ सदस्यीय नयाँ कार्यसमिती सर्वसम्मत चयन गरेको हो ।
समितिको उपाध्यक्षमा बसन्ता के.सी , नारायणी अधिकारी, सचिव केशरा खत्री, कोषाध्यक्ष लक्ष्मी के.सी , उप–सचिव देवका देवी भण्डारी लगायत २९ सदस्यीय कमिटी निर्विरोध निर्वाचित गरिएको हो । अरु सदस्य पछि मनोनित गर्ने संघले जनाएको छ । सम्मेलनमा जिल्लाका ६४ वटै वडाबाट महिला प्रतिनिधिहरुको सहभागिता रहेको थियो।
सम्मेलनबाट निर्वाचित पदाधिकारी तथा सदस्यहरूले मंगलवार सपथ ग्रहण गरेका थिए ।