नेपाल नेत्रज्योति संघको २८ औं स्थापना दिवसको अवसरमा निशुल्क आँखा परीक्षण गरिएको छ । मंगलबार नेपाल नेत्रज्योति संघ जिल्ला शाखा प्यूठान र आँखा उपचार केन्द्र प्रस्तावित नरेन्द्र गायत्री आँखा अस्पताल विजुवार प्यूठानको संयुक्त आयोजनामा निशुल्क आँखा परीक्षण गरिएको हो ।

कार्यक्रममा जेष्ठ सदस्यहरु मरन्ठानाका ७७ बर्षिय हरी बहादुर के.सी र तुषाराकी ७६ बर्षिया तिला कुमारी गिरीलाई खादा ओढाई सम्मान र फलफूल वितरण गरिएको नेपाल नेत्रज्योति संघ लुम्बिनी प्रदेशका सदस्य अर्जुन कुमार कक्षपतिले जानकारी दिए । उनका अनुसार आँखा उपचारमा सहभागि ६६ जना सबैको आँखा निशुल्क रुपमा परीक्षण गरिएको छ ।

आँखा उपचार केन्द्र प्रस्तावित नरेन्द्र गायत्री आँखा अस्पताल विजुवार प्यूठानका अध्यक्ष लक्ष्मी प्रकाश राज भण्डारीको अध्यक्षतामा संचालन भएको कार्यक्रमको सहजिकरण नेपाल नेत्रज्योति संघ प्यूठानकी उपाध्यक्ष कल्पना खड्काले गरेकी थिइन् । कार्यक्रममा आँखा अस्पताल विजुवार प्यूठानका निवर्तमान अध्यक्ष केशव कर्मचार्यले शुभकामना मन्तव्य राखेका थिए ।