२०८० चैत २९“कृषि पर्यटन, संस्कृति र व्यापार, समुन्नत प्यूठान माण्डवी आर्थिक विकासको मुल आधार” भन्ने प्रमुख नारासहित प्यूठानमा प्रथम प्यूठान माण्डवी महोत्सव सञ्चालन भएको छ ।
कार्यक्रमका प्रमुख अतिथि समेत रहेका संविधान सभा सदस्य नारायण प्रसाद अधिकारीले महोत्सवको बिहिवार उद्घाटन गरेका हुन् । उद्घाटन समारोहमा बोल्दै संविधान सभा सदस्य नारायण प्रसाद अधिकारीले यो मेला सिङ्गो जिल्लाको संस्कृतिलाई संरक्षण गर्ने माध्ययम बन्ने विश्वास लिएका छन् ।
त्रिवेणी सामुदायिक ग्रामिण विकास संस्थाका अध्यक्ष रामचन्द्र पौडेलको अध्यक्षतामा सञ्चालन भएको महोत्सवमा विशेष अतिथि लुम्बिनी प्रदेशका सांसद निमा गिरी रहेकी थिइन् ।
महोत्सवमा माण्डवी गाउँपालिका भित्र रहेका पर्यटन प्रवद्र्धनलाई टेवा पुग्ने, स्थानीयले उत्पादन गरेका कृषि उपजहरुको बजारीकरणलाई सहयोग, पुराना कला संस्कृतिलाई जर्गेना गर्ने महोत्सवको प्रमुख लक्ष्य रहेको आयोजकले जनाएको छ । साथै महोत्वसमा माण्डवी गाउँपालिका स्तरीय हाजिरी जवाफ प्रतियोगिता, माण्डवी डान्स आइडल, जिल्ला स्तरीय खुल्ला पुरुष भलिबल प्रतियोगिता समेत हुने भएको छ ।
मेला चैत २९ देखी बैशाख ९ गते सम्म ११ दिन लाग्ने मेला व्यवस्थापन समिति संयोजक इमान विष्टले जानकारी दिए ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
