नयाँ शैक्षिक सत्र २०८१ को विद्यालय भर्ना अभियान आजदेखि सुरु भएको छ । ‘सबै बालबालिकाको विद्यालयमा सहभागिता, गुणस्तरीय शिक्षाप्राप्तिको सुनिश्चितता’ भन्ने नाराका साथ भर्ना अभियान सुरु भएको हो ।

जिल्लाका सबै विद्यालयमा आइतबारदेखि भर्ना अभियानलाई अगाडी बढाईएको छ । चैत १६ गते जिल्लाका सबै पालिका र सम्बन्धित विद्यालयका प्रधानाध्यापकहरुसँग छलफल गरिसकेको जिल्ला शिक्षा विकास तथा समन्वय इकाई कार्यालय प्यूठानका प्रमुख दुर्गा बहादुर खड्काले जानकारी दिए । उनका अनुसार हालसम्म जिल्लामा ८० प्रतिशत पाठयपुस्तक विद्यालयमा पुगिसकेको छ भने ९५ प्रतिशत जिल्लामा पुस्तक भित्रिसकेको छ ।