विद्यालयमा वालमैत्रि धारा निर्माणसंगै वालवालिकालाई सहज भएको छ। प्यूठान नगरपालीका १ सालघारी भलापाटाको सालघारी प्रा.वि.मा साना कक्षाका विद्यार्थीले सजिलै प्रयोग गर्न सक्नेगरि धारा निर्माण गरिएको छ ।

‘पहिले विद्यार्थीहरु लाईन लागेर हात धुनुपर्ने वाध्यता थियो ।’ विद्यालयका प्रध्यानाध्यापक झक बहादुर विष्टले भने–‘धारा अग्लोहुदा विद्यार्थी लड्ने समस्या थियो । धारा अग्लो भएकै कारण विद्यार्थीहरु त्यसतर्फ कमै जाने गर्दथे। तर अहिले सजिलै पुग्न सक्नेगरी धारा निर्माण गरिएको छ।’ एकैपटक धेरै विद्यार्थीले प्रयोग गर्न सक्नेगरी धारा निर्माण गरिएका छन् । लाईन मिलायर आधा दर्जन धाराहरु छन् । सवैमा नियमित पानी आउछ। हिजोआज अवस्था फेरीएको छ । वालमैत्रि धारा निर्माण भएसंगै विद्यार्थीहरुलाई सहज भएको छ ।

धारा निर्माणसंगै विद्यालयमा विद्यार्थीहरुलाई खाजा खाने समय र अन्य समयमा हात धुनैका लागी लामो लाईन लाग्नुपर्ने अवस्था छैन् । शिसु कक्षादेखि ५ कक्षासम्म पढाई हुने विद्यालयमा धारामा नियमित पानी आउन थालेपछि विद्यार्थीहरुको वानी ब्यवहारमा पनि परिवर्तन आएको छ । “सवै विद्यार्थीले खाजा खाने समयमा हात धुने गर्छन् । डेढ सय विद्यार्थी वालमैत्रि धारा निर्माण भएपछि लाभाम्वीत भएका छन् । धारामा गएर लाईन लाग्ने समयमा विद्यार्थीले पढन समेत पाएका छन् । यसले राम्रो प्रभाव देखाएको छ।” प्रधानाध्यापक विष्टले भने । कालिका विकास केन्द्र, सेभ द चिल्डेनको सहयोगमा वालमैत्रि धारा निर्माण भएको हो ।

जिल्लाभर सञ्चालनमा रहेका विद्यालयमध्ये ८० प्रतिशत वढि विद्यालयमा वालमैत्रि धारा निर्माण भएको छ । जसले वालवालीकाको सरसफाईमा टेवा पुर्याएको छ । जिल्लामा एक सय पचास वढि विदालयमा वालमैत्रि धारा निर्माण भएका छन् ।

-पत्रकार शमसेर विक्रम जि.सि. ले प्यूठानवाट ‘नागरिक दैनिक’मा लेख्छन्।