शाइन रेसुङ्गा बैंकले प्यूठानको मल्लरानी गाउँपालिका ३ स्थित बुकि डाँडामा बृक्षारोपण गरेको छ । जिल्लामा रहेका शाखाहरुले संयुक्त रुपमा शनिबार ७५ बढि विरुवा रोपेका छन् । जसमा ३५ वटा धुपी सल्ला, १५ वटा सित्तल चिनी, १५ वटा दालचिनी सहित टिमुर र फूलहरु १० वटा रोपेको शाइन रेशुङ्गा बैंक खलंगा शाखाका शाखा प्रवन्धक विन्जुन बस्नेतले जानकारी दिए । उनका अनुसार  “ग्रो ग्रिन प्रोजेक्ट” अन्तरगत यस कार्यक्रमलाई निरन्तरता दिइएको हो । यस अघि मल्लरानी गाउँपालिका ४ स्थित मल्लरानी डाँडामा समेत विरुवा रोपिएको थियो ।

बृक्षारोपण कार्यक्रममा विजुवार शाखाका शाखा प्रबन्धक योगेन्द्र बिष्ट, बहानेका कृष्ण बहादुर के.सी, बाग्दुलाका सूर्य बहादुर बि.क, बैंकका सम्पूर्ण कर्मचारी, मल्लरानी गाउँपालिकाका जनप्रतिनिधि, बन उपभोक्ता समितिका अध्यक्ष नेहर सिंह पुन लगायतको सहभागिता रहेको थियो ।