प्यूठानमा हैजाका शंका गरिएका बिरामीको रिपोर्ट पोजेटिभ देखिएको छ । हैजाको शंका गरी प्युठान अस्पतालमा उपचाररत बिरामीको रिपोर्ट आइतबार पुष्टि भएको हो । गत शुक्रबार ३ जना शङ्कास्पद बिरामिको आर डिटी जाच गर्दा पोजेटिभ देखिएको थियो ।

बिरामीको थप परीक्षणको लागि बुटवल पठाइएकोमा २ जनाको कोलेरा भाइरस हैजा पोजेटिभ आएको प्यूठान अस्पतालले जनाएको छ । एकजनाको रिपोर्ट भने नेगेटिभ आएको अस्पतालले जनाएको छ । पोजिटिभ हुने मध्ये ३५ बर्षका र १२ बर्षका पुरुष रहेका छन ।

उनीहरुलाई अहिले प्युठान अस्पतालमा राखिएको र अबस्था सामान्य रहेको डाक्टर राजेन्द्र पौडेल ले बताए । उनिहरुले प्रयोग गर्दै आएको खानेपानीको मुहानको पानी परीक्षण गर्न प्युठान अस्पतालका प्रयोगशाला प्रमुख सहित स्वास्थ्य कार्यालयको टोली गौमुखी गाउँपालिका गएको थियो । डाक्टरले सबै नागरिक हरुलाई पानी राम्रोसँग उमालेर मात्र पिउन आग्रह गरेका छन ।