२०८१ श्रावण २२माओवादी केन्द्र निकट विद्यार्थी सङ्गठन अखिल (क्रान्तिकारी) प्युठानले २१ औँ जिल्ला सम्मेलनको तयारी थालेको छ । भदौ १ गते हुने जिल्ला सम्मेलन पूर्व ९ वटै स्थानीय तहमा पालिका सम्मेलनहरू सम्पन्न गरिएको जिल्ला अध्यक्ष प्रेमबहादुर विश्वकर्माले बताए ।
“९ वटा स्थानीय तह र यौटा नगर विशेष कमिटी गरी १० वटा समिति बनेका छन् ।” विश्वकर्माले भने–“ ९ वटा स्थानीय तह, क्याम्पस र मावि साथै सम्पर्क समितिबाट कुल ३ सय ३१ जना प्रतिनिधि सहभागी हुनेछन् ।”
२ वटा नगरपालिकाबाट ३०–३० जना, ७ वटा गाउँपालिकाबाट २०–२० जना, ५ वटा क्याम्पसबाट १०–१० जना, ७५ बटा मावि बाट १–१ जना, ३ वटा सम्पर्क मञ्चबाट २–२ जनाको दरले ३ सय ३१ जना प्रतिनिधि सहभागी हुनेछन् । नगर विशेष समितिबाट प्रतिनिधित्व हुने–नहुने टुङ्गो नलागिसकेको अध्यक्ष विश्वकर्माले बताए ।
उक्त सङ्गठनले आयोजक कमिटीलाई पनि स्थानीय तहबाटै चुनिएर आउनुपर्ने व्यवस्था गरेको छ ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
