प्यूठानमा मोटरसाईकल र फोर्स गाडी एकआपसमा ठोक्किदा एकजना घाइते भएका छन् । शुक्रबार बिहान ११ बजेको समयमा प्यूठान नगरपालिका ४ जुम्रीमा एकआपसमा ठोक्किदा मोटरसाईकल चालक गम्भिर घाइते छन् । घाइते हुनेमा मोटरसाईकल चालक माण्डवी गाउँपालिका ५ तिग्राका २६ बर्षका गौतम कुवर रहेको जिल्ला प्रहरी कार्यालय प्यूठानले जानकारी दिएको छ । प्रहरीका अनुसार गम्भिर घाइते चालकको सामान्य उपचारपछि थप उपचारको लागि बुटवल रिफर गरिएको छ ।

मोटरसाइकल पछाडी बसेका १८ बर्षका भेषण घर्तीको अवस्था भने सामान्य रहेको छ । फोर्स गाडी चालक गौमुखी गाउँपालिका ३ रजवाराका ४५ बर्षका जगविर बुढालाई इलाका प्रहरी कार्यालय बिजुवारका प्रहरी नायव निरिक्षक भक्त बहादुर सिंजालीको टोलिले नियन्त्रणमा लिएको छ । बाग्दुलाबाट जुम्री आउँदै गरेको लु ७६ प ५७०४ नं को मोटरसाइकल र जुम्रीबाट बाग्दुला जाँदै गरेको लु १ ज ३७४० नं को फोर्स गाडी एकआपसमा ठोक्किएका थिए ।