२०८१ भदौ ५आफ्नो जन्मदिनको अवसर पारेर प्युठान नगरपालिका ४ निवासी लोकमणि भण्डारीले भानु पुस्तकालयलाई आर्थिक सहयोग गरेका छन् ।
शिक्षक पेसामा आबद्ध समाजसेवी भण्डारी जन्मदिनको अवसर पारेर ५ हजार ५ सय ५५ रुपैयाँ सहयोग गरेका हुन । प्युठान नगरपालिका वडा नं ३ मा रहेको जिल्लाकै पुरानो पुस्तकालयलाई व्यवस्थित गर्न सहयोग पुगोस् भन्ने उद्देश्यले आफूले उक्त रकम सहयोग गरेको भण्डारीले बताए ।
पुस्तकालयलाई थप व्यवस्थित बनाउने अभियानमा भण्डारीले गरेको सहयोगले थप टेवा पुग्ने उक्त वडाका वडाध्यक्ष सुमनराज श्रेष्ठले बताए । श्रेष्ठका अनुसार जिल्लाकै पुरानो पुस्तकालयलाई थप व्यवस्थित बनाउन छुट्टै समिति बनाएर काम भइरहेको छ । उनले ऐतिहासिक महत्त्व बोकेको पुस्तकालय व्यवस्थित गर्न सहयोग गर्न चाहने जो कोहीले पुस्तक, नगद तथा पुस्तकालयका लागि आवश्यक पर्ने सामाग्रीहरू सहयोग गर्न सक्ने बताए ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
