नेपाल विद्यार्थी संघ प्युठानको अधिवेशन नजिकिदै जाँदा विवाद चुल्लिएको छ । पार्टी संगठनको विवादले गर्दा नेविसंघमा पनि विवाद वढेको नेविसंघ प्युठानका सचिव कल्याण विक्रम केसीले बताए । २ महिना अघि मात्र भएको अधिवेशनलाई अध्यक्षको अनुमतिविना अर्को पक्षले फेरी नयाँ कार्यसमिति बनाएको छ । अध्यक्ष एन.पी मगर, सचिव कल्याण विक्रम केसीको समुह एकातर्फ छ भने नेविसंघका क्षेत्रीय उपसभापती गिर बहादुर घर्ति, भोजराज भण्डारी र क्षेत्रिय सहसचिव रुकमान रोका क्षेत्री अर्को पक्षमा रहेका छन् ।
सहसचिव रुकमान रोका क्षेत्री, क्षेत्रीय सभापती गरि बहादुर घर्ति मगर र भोजराज भण्डारीको समुहले अध्यक्षलाई नसोधी नौवहिनी गाउँपालिका स्थित गंगा माध्यामिक विद्यालय वाहनेमा कृष्ण केसी र बालशिक्षा माध्यामिक विद्यालय झिमरुक गाउँपालिका ओखरकोटमा प्रकाश थापाको नेतृत्वमा नयाँ कमिटि गठन गरेको छ ।
संघको अधिवेशन नजिकिदै जादाँ विद्यार्थी संगठनले अध्यक्षलाई विना सूचना कमिटि गठन गर्दै ँ जानाले नेविसंघमा ठुलो धक्का पुगेको सचिव केसीले बताए । यहि पुस ९ र १० गते अधिवेशन गर्ने निर्णय गरेका थियौँ । केसीले भने,‐‘साथीहरुले सोधपुछ विना कमिटि फेर्दै हिडेका छन् । ’
संगठनले २ महिना अगाडी जिल्लाका सबै माविमा इकाई कमिटि गठन गरेको थियो । अबको अधिवेशनमा विधि र विधान अनुसार अगाडी वढ्ने भन्दा अर्को पक्ष विवादमा आई सोधपुछ विना कमिटि गठन गर्दै हिडेको केसीले बताए । सबै स्थानिय तहका विद्यार्थीहरुलाई समेटी अधिवेशन गरिने उनले बताए ।
अधिवेशनको मुखमा क्षेत्रीय सभापती र क्षेत्रीय सहसचिवको नेतृत्वले गठन गर्दै जाँदा आफुले पनि यसको विरुद्धमा जिल्ला स्थित माध्यामिक विद्यालयको अधिवेशन बुधवारदेखि शुरु गर्ने बताए । आफुलाई केहि नसोधी साथीहरुले कमिटि गठन गर्दै हिडेको नेविसंघ प्युठानका अध्यक्ष एनपी मगरले बताए । उनले भने,‐‘सबै साथीलाई मिलाएर लानका लागि छिटै वैठक बसी अगाडी वढने छौँ । ’