२०८१ कात्तिक ७निर्माण सम्झौताको सात वर्षसम्म सञ्चालनमा नआएको प्यूठान नगरपालिका ८ स्थित विद्युत् सवस्टेशन तिहार अगावै सञ्चालन हुने भएको छ । मङ्गलवार खलङ्गामा भएको सर्वपक्षीय बैठकबाट उक्त सवस्टेशन तिहार अगावै सञ्चालन गर्नुपर्ने निष्कर्ष निकालेको प्रमुख जिल्ला अधिकारी रमा आचार्यले बताइन ।
बैठकपछि नेपाल विद्युत् प्राधिकरण प्यूठान वितरण केन्द्रलाई बुधवारदेखि काम अगाडि बढाउन निर्देशन दिइएको आचार्यले बत्ताइन । २०७४ जेठ १७ गते श्री त्रीपुरेश्वर जय दुर्गे जेभिले निर्माण जिम्मा लिएको उक्त काम ७ वर्षदेखि निर्माण सम्पन्न हुन सकेको छैन । पछिल्लो समय निर्माण कम्पनी सम्पर्कमा नआएपछि ठेक्का तोडेर सवस्टेशन सञ्चालनको लागि अघि बढ्न विद्युत् प्राधिकरणले तयारी गरेको उनको भनाई छ ।
५ करोड ३६ लाख ६० हजार ६ सय ८२ मा ठेक्का सम्झौता गरेको निर्माण कम्पनीले विभिन्न बहाना देखाउँदै निर्माण कार्य अलपत्र छोडेपछि मङ्गलवार सर्वपक्षीय बैठक बसेको थियो । जिल्ला समन्वय समिति प्यूठानका प्रमुख धरम बहादुर जि.सिको अध्यक्षतामा भएको बैठकमा लुम्बिनी प्रदेशका सांसद तुल्सीराम शर्मा, धनलक्ष्मी श्रेष्ठ, जिल्लाका स्थानीय तहका प्रमुख तथा उपप्रमुख, विभिन्न राजनीतिक दलका नेता लगायत सरोकारवालाको सहभागिता थियो ।
सवस्टेशन सञ्चालनसँगै अहिले अनियमित भइरहेको विद्युतको नियमित आपूर्तिका लागि सहजता हुनेछ ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
