News Portal

रेडियो सुन्नुहोस्

विप्लवसँग एकता गरेर जनसरकार स्थापना गर्छौंः वैद्य

सिखबर संवाददाता१८ चैत्र
१२०१ पटक
१८ चैत्र

काठमाडौँ । नेकपा क्रान्तिकारी माओवादीका महासचिव मोहन वैद्य ‘किरण’ले जनसरकार स्थापना गर्ने बताएका छन् । नेपाल कम्युनिस्ट पार्टीले घोषणा गरेको जनसरकार र जनअदालतबारे आफूलाई औपचारिक रुपमा केही जानकारी नभएको बताए । महासचिव वैद्यले बुझेर कार्यगत एकता अगाडि बढ्ने बताए ।

एक अनलाइनलाई दिएको अन्तरवार्तामा महासचिव वैद्यले जनसरकार ब्यूँताउने नभएर स्थापना गर्ने बताए ।  “विप्लवजीहरूले जनसरकार, जनआदलत कहाँकहाँ के भन्नुभएको छ त्यो, हामीलाई आधिकारिक रूपमा थाहा छैन । उहाँको कुरा पनि के हो हामी बुझ्छौँ । जहाँसम्म जनसरकार व्युँझाउने कुरा गर्नुभएको छ, हामीले व्युँझाउनेभन्दा पनि जनसरकार स्थापना गर्ने हो । यो प्रकृया त हामीले थाल्नु पर्ने नै छ । बिप्लवजीहरूको कुरा के के हो बुझेर नै उहाँहरूसँग कार्यगत एकतालाई अगाडि बढाउँछौँ” वैद्यले अन्तरवार्तामा भनेका छन् ।

वर्तमान एमाले–माकेको संयुक्त सरकारलाई संसदवादी सरकार भएकोले भन्दै संविधान र संसदीय व्यवस्था आफ्नो पार्टीले नमान्ने बताए । प्रधानमन्त्री ओली सत्तामा बसेपछि जे गरेपनि हुन्छ भन्ने मानसिकतामा रहेको वैद्यको दाबी छ ।

राष्ट्रियता, जनतन्त्र, जनजीविकाका समस्या समाधान गरेर देखाउन भन्दै वैद्यले भने, “जे भने पनि हुन्छ भन्ने उहाँहरूको मानसिकता हो । राष्ट्रियता, जनतन्त्र, जनजीविकाका समस्या समाधान गरेर देखाउनु पर्यो, त्यही समस्या समाधानका लागि कम्युनिस्टहरू त्यही दिशामा गएकै हुन् । तर उनीहरू त्यही संसदीय व्यवस्थामा फसे । उहाँले आफ्नो विगत पनि हेर्नुपर्छ । उहाँहरूका विगतहरू पनि हामीले भन्न सक्छौँ नि । उहाँहरू पनि सङ्घर्ष गरेर जानुपर्छ । सामन्तविरूद्ध लड्ने । हिंसाको प्रयोग गर्ने हो नि त उहाँहरूको विगत । विगत विर्सनु भएन उहाँहरूले ।”

नेकपाले जनसरकार ब्यँताउने भनेको तर अाफूले स्थापना गर्ने कुरा गरेको महासचिव वैद्यको भनाई छ ।

हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।

– www.jhulenipost.com (दर्ता नं. २७८२ /२०७८/ ०७९, सूचीकृत नं. २८८४/ २०७८/ ०७९)

– रेडियो झुलेनी १०४.७ मेगाहर्ज (इजाजत पत्र नं. ०१/ २०७८/ ०७९, लाइसेन्स नं. ४२/ २०७८/ ०७९)

– झुलेनी पोष्ट साप्ताहिक (मङ्गलवार) (दर्ता नं. ११ (जिल्ला प्रशासन कार्यालय प्युठान), प्रेस काउन्सिल नेपालबाट ख वर्गमा वर्गीकृत)

प्रतिकृया दिनुहोस्

दहखोलामा सिद्ध मन्दिर उद्घाटन गरिदै, दशनामी गिरीहरूको कुलपूजा हुने

झिमरुक गाउँपालिका–६, दहखोलास्थित नवनिर्मित श्री सिद्ध मन्दिरको उद्घाटन तथा दहखोलाका दशनामी महन्त गिरीहरूको कुलपूजा भोलि...

खलंगामा तीन वामपन्थी दलको संयुक्त कार्यक्रम सम्पन्न

प्यूठानका तीन वामपन्थी दलको संयुक्त आयोजनामा शुभकामना आदानप्रदान कार्यक्रम सम्पन्न भएको छ। नेकपा (एमाले), राष्ट्रिय...

नेकपा झिमरुकद्वारा जागरण अभियान उद्घाटन

नेपाली कम्युनिष्ट पार्टी झिमरुक गाउँपालिका कमिटीले दुई महिने राष्ट्रिय जागरण अभियान सुरु गरेको छ ।...

नेकपाद्वारा प्यूठानमा राष्ट्रिय जागरण अभियानको उद्घाटन

नेपाली कम्यूनिष्ट पार्टीले प्यूठानमा राष्ट्रिय जागरण अभियानको उद्घाटन गरेको छ। सोमबार विजुवार स्थित सहिद प्रतिष्ठानको...

विजयपथ कप–२०८३ को उद्घाटन, १० टोलीको सहभागिता

प्यूठान नगरपालिका वडा नं. ३ विजयनगरको आयोजनामा सञ्चालन हुन लागेको अन्तरपालिका स्तरीय पुरुष भलिबल प्रतियोगिता...