प्यूठानमा मोटरसाइकलको ठक्करबाट तीन महिने शिशुको ज्यान गएको छ ।

ऐरावती गाउँपालिका-४ कैरनबाट प्यूठान नगरपालिका-१ चेरनेटा तर्फ आउँदै गरेको प्रदेश ०३-००७ प ३३०७ नं.को मोटर साइकलले बिहीबार साँझ ठक्कर दिँदा मल्लरानी गाउँपालिका-५ धुँदी बस्ने सुजल भण्डारीको तीन महिनाको छोरा श्रीजल भण्डारीको ज्यान गएको जिल्ला प्रहरी कार्यालय प्यूठानकाका प्रवक्ता प्रहरी निरीक्षक केशव के.सी.ले जानकारी दिए ।

शिशुलाई हजुरआमा नाता पर्ने ४५ वर्षीय नारायणी कँवरले बोकेको र ठक्कर दिँदा साथमा बोकेको नाति खस्न गई घाइते भएका हुन् ।

घाइते शिशुको जिल्ला अस्पतालमा उपचारका क्रममा ज्यान गएको प्रवक्ता के.सी.ले बताए ।

मोटरसाइकल चालक प्यूठान नगरपालिका-१ चेरनेटा बस्ने २३ वर्षीय विशाल के.सी.लाई प्रहरीले .नियन्त्रणमा लिएको छ ।

शिशुको शव जिल्ला अस्पतालको शव-गृहमा रहेको छ ।