News Portal

रेडियो सुन्नुहोस्

गित गाउँदै बिरामी जाँच्छु : थर्ड रनरअप अस्मिता अधिकारी

सिखबर संवाददाता
१९४८ पटक

तर, गायनमा औधि रुचि। उनले पेशाको रुपमा नर्सको काम गर्छिन। तर, गायन तर्फको रुचि कम छैन। विगतका विभिन्न प्रतियोगिता, लईभसो र आईडलहरुमा महिलाहरुको सहभागिता उच्च नै रहयो। महिलाका लागि गायनक्षेत्र त्यसमाथि पनि यौटा कर्मथलो हुदाहुदै यो क्षेत्र कति सजिलो र कति गाह्रो? यो विषयमा नेपाल आइडल सिजन टुकी थर्ड रनरअप अस्मिता अधिकारी संगको अन्तरबार्ता :

नेपाल आइडलमा तपाईंको यात्रा कसरी सुरु भयो ?

म सानैदेखि गीत गाउन रुचाउँथेँ। बीएस्सी नर्सिङ सकाएर यसै बसेको बेला नेपाल आइडलको फर्म खुल्यो। फर्म भरेँ, गीत गाएँ, जजहरूको राम्रो प्रतिक्रिया पाएँ।

उत्कृष्ट चारको यात्रामा पर्ने सोच्नुभएको थियो ?

रिजल्टभन्दा पनि संगीत सिक्न भनी म आइडलमा आएकी थिए। यहाँसम्म आउँछु भन्ने थिएन। अत्यन्तै खुसी लागेको छ। देशविदेशमा मेरो स्वर मन पराउने फ्यानहरू भेटेकी छु। मेरो परिचय फेरिएको छ। परिवारले पनि निकै सहयोग गरे।

रियालिटी सोहरूमा महिलाको उपस्थिति किन कम ?

महिलाहरू खुलेर संगीतमा आउने वातावरण अझै बनिसकेको छैन। गीत गाउनु, रियाज गर्नु र यसका प्राविधिक कुराहरू सिक्नु अत्यन्तै कठिन काम हो। कति क्षमता भएका साथीहरूलाई त यो क्षेत्रमा आउनै गाह्रो छ। धेरै महिला त आफ्नो चाहना मारेर बस्न बाध्य छन्। स्वर राम्रो भए पनि कतिपय महिलाको संगीतप्रति लगाव छैन। पहिलो कुरा त आफूभित्रै नै चाहना हुनुपर्‍यो, संगीतप्रति लगाव हुनुपर्‍यो।

चौथो स्थानसम्मको सिँढी उक्लिन तपाईंले के कस्तो संघर्ष गर्नु पर्‍यो ?

करिब आठ÷नौ महिनाको समय त मैले आफ्नो व्यक्तिगत जिन्दगी सबै बिर्सिएँ। रातदिन रियाजमा खटिएँ। आफ्नो प्रस्तुति कसरी फरक र उत्कृष्ट बनाउने भनेरै हरपल सोच्ने गर्थें। आफूमा के कमजोरी छ, त्यो हटाउनेतिर लागेँ। बाल्यकालदेखि नै म भजन गाउँथेँ। गाउँघरमा धेरैको प्रशंसा पनि पाएकी छु, भजन गाएर। म निकै डुब्छु संगीतमा।

इन्डियन आइडल, नेपाल आइडल, भ्वाइस आफ नेपाल लगायतका रियालिटी सोको टाइटल विजेता प्रायः पुरुषहरू नै देखिन्छन् नि ?

पुरुष भएकाले विजेता बनेभन्दा पनि तुलनात्मक रूपमा महिला गायिकाहरूले भन्दा राम्रो गाएर विजेता बनेका हुन् भन्ने लाग्छ मलाई। अर्को कुरा महिलाको क्षमतामा विश्वास गर्ने, अगाडि बढ्न उनीहरूलाई सहयोग गर्ने समाज अझै बनिसकेको छैन।महिलाले पनि सांगीतिक क्षेत्रमा निकै राम्रो गरिरहेका छन्। टाइटल विजेता चुन्ने अधिकार त जजलाई भन्दा पनि दर्शकलाई नै बढी थियो। दर्शकको रोजाइमा पुरुष परे।

अब प्राथमिकतामा नर्सिङ कि गायन ?

पढाइ नर्सिङ तर रहर गीत गाउने दुवै फरक विधा हुन्। तर, अप्ठ्यारो लागेको छैन मलाई। दुवै कामलाई सँगसँगै लैजाने योजना छ। सेवाका लागि नर्सिङ र रुचिको विषय गायन। गीत सुनाउँदै बिरामीको उपचार गर्छु।

हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।

– www.jhulenipost.com (दर्ता नं. २७८२ /२०७८/ ०७९, सूचीकृत नं. २८८४/ २०७८/ ०७९)

– रेडियो झुलेनी १०४.७ मेगाहर्ज (इजाजत पत्र नं. ०१/ २०७८/ ०७९, लाइसेन्स नं. ४२/ २०७८/ ०७९)

– झुलेनी पोष्ट साप्ताहिक (मङ्गलवार) (दर्ता नं. ११ (जिल्ला प्रशासन कार्यालय प्युठान), प्रेस काउन्सिल नेपालबाट ख वर्गमा वर्गीकृत)

प्रतिकृया दिनुहोस्

चट्याङबाट घाईते राना खतरामुक्त, मृतक बिटालुको शव पोष्टमार्टमका लागि विजुवार ल्याईदै

शनिबार राती चट्याङ् लागेर घाईते भएका गौमुखी गाउँपालिका २ का प्रेम सुनारको उपचार भईरहेको छ...

निजी विद्यालय सञ्चालकहरूद्वारा सदरमुकाममा कोणसभा सम्पन्न

निजी विद्यालय सञ्चालकहरूले खलङ्गामा कोणसभा सम्पन्न गरेका छन् । निर्माणाधीन शिक्षा ऐनमा राखिएको प्रावधानको विरोध...

पुस्तकालय र पठन संस्कृति विषयक अन्तरक्रिया वाल मन्दिरमा सम्पन्न

पुस्तकालय र पठन संस्कृति विषयक अन्तरक्रिया कार्यक्रम वाल मन्दिरमा सम्पन्न भएको छ । भानु सामुदायिक...

आलोचना भएपछि ३५ दिने सूचनाको म्याद सकिनै लाग्दा छलफल

विना पूर्व तयारी सडक वरपरका संरचना हटाउन ३५ दिने सूचना जारी गरेको प्यूठान नगरपालिकाले बेलुवा–बाग्दुला...

युवा संघको कार्यक्रममा २० जनाले गरे रक्तदान

राष्ट्रिय युवा संघ नेपाल जिल्ला कमिटी प्यूठानले आयोजना गरेको कार्यक्रममा २० जनाले रगत दान गरेका...