News Portal

रेडियो सुन्नुहोस्

सवै क्वारेन्टाइन भरिभराउ

सिखबर संवाददाताजेठ १६, २०७७
४४५ पटक
जेठ १६, २०७७

बन्दाबन्दीमा छिमेकी मुलुक भारतको सिमामा आएर अलपत्र प्यूठानीहरुको जिल्लाका नौं वटा स्थानिय सरकारले उद्धार गरि ल्याउन थालेपछि जिल्लाका सवै क्वारेन्टाइन भरिभराउ भएका छन्। विद्यालय , सामुदायिक भवनमा बनाइएका क्वारेन्टाइन स्थल भरिए पछि ब्यवस्थापनमा कठिनाई भैरहेको छ।
भारतबाट आएर कृष्णनगर, नेपालगञ्ज, रुपैडिया लगाएत सीमा क्षेत्रमा अलपत्र परेका जिल्लाबासीलाई जिल्ला समन्य समिति, जिल्ला प्रशासन कार्यालय र स्थानिय सरकारको समन्वयमा उद्धार गर्न सुरु गरिए सँगै जिल्लामा बनाईएका क्वारेन्टाइन भरिएका हुन्।
सोचे भन्दा बढि जिल्लाबासी भारतबाट भित्रिएपछि क्वारेन्टाइनमा व्यवस्थापन गर्न समस्या भएको प्यूठान नगरपालिकाका मेयर अर्जून कुमार कक्षपतिले बताउनुभयो। नगरपालिकामा एक हजार भन्दा वढि क्वारेन्टाइनमा बसिरहेको उहाँको भनाई छ। जिल्ला प्रहरी कार्यालय प्यूठानको रेकर्ड अनुसार गत जेठ ११ गते देखि १४ गते सम्म जिल्लामा झण्डै ४ हजार जना भित्रिएका छन्। जिल्ला भित्रिएका सवैलाई क्वारेन्टाइनमा राखिएको जिल्ला प्रहरी कार्यालय प्यूठानका प्रमुख प्रहरी नायव उपरिक्षक नरेन्द्र कुमार कार्कीले जानकारी दिनुभयो।
जिल्लाका ३ सय प्रहरीले क्वारेन्टाइनमा बसेकाहरुलाई सुरक्षा दिन समेत हम्मेहम्मे परेको छ। जिल्लाका नौं वटै स्थानिय सरकारले बनाएको प्रारम्भिक तथ्यांक अनुसार भारत सहित अन्य मुलुकबाट एक हप्ता भित्र पन्ध्र हजार भन्दा बढि जिल्ला बासी भित्रिने अनुमान छ।
क्वारेन्टाइन भरिभराउन भएता पनि आरडिटी र पीसीआर गर्नका लागि भीटिएम जिल्लामा अभाव रहेको जिल्ला स्वास्थ्य कार्यालय प्युठानका प्रमुख विशाल सुवेदीले बताउनुभयो। जिल्लामा अहिले सम्म १२१ जनाको पीसीआर परिक्षण भएको छ। सवैको रिर्पोट नेगेटिभ आएको छ भने १५ जनाको आउन बाँकी रहेको छ। जिल्लामा ९ सय १८ जनाको आरडिटी परिक्षण् गरिएको छ समेत सुवेदीले जानकारी दिनुभयो। हाल सम्म जिल्लामा कोरोना संक्रमण कसैमा देखिएको छ्रैन्।
क्वारेन्टाइनमा बसेका मध्ये भारतबाट आएकी ऐरावति गाउँपालिका वडा नं ६ जनता मा.वि बिजुलीको क्वारेन्टाइनमा बस्दै आएकी २६ बर्षिय एक महिलाको मृत्यु भएको छ। ब्रेन टियूमरका कारण उनको मुत्यु भएको हो प्रारम्भिक अनुसन्धानबाट खुलेको प्रहरीले बताएको छ।

प्रतिकृया दिनुहोस्

हामीस‌ग जोडिनुहोस।

बालमैत्री स्थानीय शासन सञ्चालन सम्बन्धि तालिम ऐरावतीमा

बालमैत्री स्थानीय शासन सम्बन्धि तालिम ऐरावती गाउँपालिका ५ मा सम्पन्न भएको छ । सरोकार सञ्चार...

मुक्ती माविमा विद्यार्थीमाथि निर्घात कुटपिट, विद्यार्थीको हात भाँचियो, एकजनालाई रिफर

विद्यालय हाताभित्र विद्यार्थीमाथि कुटपिट हुँदा कम्तिमा ४ जना विद्यार्थी घाईते भएका छन्। बुधवार मुक्ति माध्यमिक...

मल्लरानी ३ मा सुर्तीजन्य पदार्थ सेवनको न्यूनीकरण सम्बन्धी सचेतना कार्यक्रम

सुर्तीजन्य पदार्थ सेवनको न्यूनीकरण सम्बन्धी सचेतना कार्यक्रम बुधबार मल्लरानी गाउपालिका ३ मा सम्पन्न भएको छ...

रुखबाट लडेर झिमरुकमा एक महिलाको मृत्यु

रुखबाट लडेर झिमरुक गाउँपालिकामा एक महिलाको मृत्यु भएको छ । मगंलबार बिहान घाँस काट्न भनी...

सरुमारानीमा प्रधानाध्याकहरुलाई आईसिटी तालिम

सरुमारानी गाउँपालिकामा प्रधानाध्यापकहरुलाई आईसिटि सम्वन्धी तालिम दिइएको छ । गाउँपालिका भित्रका सामुदायिक तथा संस्थागत विद्यालयका...

हामिस‌ग जोडिनुहोस।

समाचार सुचना र मनोरञ्जनका लागी