२२ कार्तिक, प्यूठानराष्ट्रिय प्रजातन्त्र पार्टी र नेपाली काँग्रेसवाट २ सय १२ युवा कार्यकर्ताहरु नेपाल कम्युनिष्ट पार्टी(नेकपा) मा प्रवेश गरेका छन्। प्यूठान नगरपालिका ८ दम्ती निवासी महेश पाण्डेको नेतृत्वमा नेकपा प्रवेश गरेका युवाहरुलाइ प्यूठान जिल्ला निर्वाचन क्षेत्र १(ख) वाट निर्वाचित प्रदेशसभा सांसद हरिप्रसाद रिजालले पार्टीमा स्वागत गर्नुभएको छ।
राष्ट्रिय युवा संघ नेपाल प्यूठानको आयोजनामा प्यूठानको वाग्दुलामा सम्पन्न शुभकामना आदानप्रदान कार्यक्रममा युवाहरु प्रवेश गरेका हुन। प्रवेश गर्ने युवाहरुलाई स्वागत गर्दै रिजालले अवको मुलुकको राजनितीको मुलप्रवाहमा युवाहरुको भुमिका महत्वपुर्ण हुने वताउनु भयो। समृद्घ नेपाल सुखी नेपालीको सपना साकार गर्न युवाहरु उत्पादन, श्रम र राजनितीमा जोडिनुपर्ने वताउनु भएको छ। आर्थिक समृद्घीका लागि श्रम र उत्पादन जरुरी रहेको र मुलुक परिवर्तनका लागि सुदृढ राजनिती जरुरी रहेको भन्दै उहाँले आजका युवाहरुले उत्पादन, श्रम र राजनीतिलाइ सापेक्षित हिसावले अगाडि वढाउनुपर्ने वताउनु भयो।
कार्यक्रममा वोल्दै नेकपा प्यूठानका अध्यक्ष तुल्सिराम शर्माले पार्टीलाई सुदृढ वनाउदै यहि पार्टीले मुलुक समृद्घीको सपना साकार पार्ने वताउनु भयो।
यस्तै नेकपा प्यूठानका सचिव कृष्ण अधिकारी प्रकासले नेपाल कम्युनिष्ट पार्टी एकता, संघर्ष र रुपान्तरणको प्रक्रियावाट एकढिक्का भई मुलुकको विकासको प्रक्रियालाई अगाडि वढाउने वताउनु भयो।
राष्ट्रिय युवा संघ नेपाल प्यूठानका संयोजक सुरज मगरको अध्यक्षतामा भएको कार्यक्रममा सांसद रिजाल प्रमुख अथिती रहनुभएको थियो। भने, नेकपा प्यूठानका अध्यक्ष तुल्शिराम शर्मा, सचिव कृष्ण अधिकारी, कार्यालय सदस्यहरु, जिल्ला सदस्यहरु, विभिन्न तहमा निर्वाचित जनप्रतिनिधी, युवा संघका केन्द्रिय सदस्य, विध्यार्थी संगठनका केन्द्रीय सदस्य तथा जिल्ला संयोजक, एवं जिल्लामा क्रियासिल नेता तथा कार्यकर्ताको उपस्थिती रहेको थियो। राष्ट्रिय युवा संघ प्यूठानका सहसंयोजक बिशेक थापाले स्वागत मन्तव्य राख्नुभएको कार्यक्रमको सञ्चालन अनेरास्ववियु प्यूठानका कार्यालय सदस्य दिलवहादुर दसौदीले गर्नुभएको थियो।
