दिपावलीको अवसरमा झिमरुक गाउँपालिका वडा नं २ बादिकोटमा आयोजित खुल्ला भलिबल प्रतियोगिता सुरु भएको छ ।

सुशासन युवा क्लबले खुल्ला भलिबल प्रतियोगिता आयोजनामा गरेको हो। प्रतियोगिताको उद्घाटन गर्दै नेपाल कम्युनिष्ट पार्टी(नेकपा) जिल्ला कमिटी सदस्य एवं अनेरास्ववियुका केन्द्रिय सदस्य सुमन श्रेष्ठले जिल्लामा विभिन्न खेलहरु सञ्चालन गरी खेलकुद क्षेत्रलाई नयाँ ढंगले विकास गनुपर्ने बताउनुभयो । राज्यले पनि खेल क्षेत्रमा ठुलो लगानी गरेको उहाँको भनाई थियो ।

क्लबका अध्यक्ष प्रकाश एमसीको अध्यक्षता , नेपाल कम्युनिष्ट पार्टी (नेकपा) जिल्ला कमिटी सदस्य एवं अनेरास्ववियुका केन्द्रिय सदस्य श्रेष्ठको प्रमुख आतिथ्यतामा भएको कार्यक्रममा नेपाल कम्युनिष्ट पार्टी (नेकपा) जिल्ला कमिटी सदस्य एवं झिमरुक गाउँपालिका कमिटीका अध्यक्ष झक बहादुर जिसी, युवा समाजसेवी मिलन एमसी, समाजसेवी उमाराम पोख्रेल, धनिराम जैसी, यूवा समाजसेव मोहन परियार, खड्कबहादुर थापा, सर्वोदय माध्यामिक विद्यालयका प्रधानाध्यापक लालबहादुर एमसी, शिक्षक रमेश थापा युवा विद्यार्थी एवं खेलाडीहरुको उपस्थितीमा प्रतियोगिताको उद्घाटन गरिएको हो ।

भलिबल प्रतियोगितामा ८ वटा टिमको सहभागिता रहेको छ । प्रतियोगितामा प्रथम हुनेलाई १५ हजार रुपियाँ मेडल र प्रमाणपत्र, दृतिय हुनेलाई १० हजार रुपियाँ , मेडल र प्रमाणपत्र पाउनेछन् । दर्ता भएको एक महिना भएको क्लबले पहिलो पटक प्रतियोगिता सञ्चालन गरेको क्लबका अध्यक्ष एमसीले बताउनुभयो ।