News Portal

रेडियो सुन्नुहोस्

क्षयरोग न्युनिकरणका लागि बि एन एम टी को सहकार्य निरन्तर

दीपा पौडेल चैत १ प्युठान
७२५ पटक
चैत १ प्युठान

जिल्लामा लामो समयदेखि क्षयरोग रोकथाम तथा नियन्त्रणको क्षेत्रमा काम गर्दै आएको विराट नेपाल मेडिकल ट्रस्ट (बि.एन.एम.टि) ले स्वास्थ्य चौकी ओखरकोटलाई क्षयरोग निदानका लागि अत्याधुनिक मेसिन (जिन एक्सपर्ट ) हस्तान्तरण गरेको छ।

उक्त मेसिन बि एन एम टी नेपालका PI. Dr.Max caws र Deputy director रघु धितालले झिमरुक गाउँपालिकाका अध्यक्ष तिलक बहादुर जि.सी र स्वास्थ्य कार्यालय प्युठानका प्रमुख बिशाल सुवेदीलाई एक कार्यक्रमको आयोजना गरि हस्तान्तरण गरेका हुन। मेसिन हस्तान्तरण कार्यक्रममा बि एन एम टी नेपालका PI. Dr.Max caws ले संस्थाले क्षयरोग निदानका लागि गर्दै आएका प्रयासहरुको बारेमा बताउँदै यस मेसिनले काम गर्ने तरिकाको बारेमा जानकारी गराएका थिए।
करिब ६० लाख पर्ने उक्त मेसिनले क्षयरोगका बिरामीहरु पत्ता लगाउन र क्षयरोग न्युनिकरण गर्न महत्वपुर्ण भुमिका खेल्ने बि एन एम टी का Deputy director रघु धितालको भनाई छ।

कार्यक्रममा स्वास्थ्य कार्यालय प्युठानका प्रमुख बिशाल सुवेदीले जिल्लामा बिशेष गरि क्षयरोग निदानको क्षेत्रमा आफुहरुसंग सहकार्य गर्दै आएकोमा बि एन एम टीलाई धन्यवाद दिएका छन्।सुवेदीका अनुसार ओखरकोट स्वास्थ्य चौकीलाई प्रदान गरिएको जिन एक्सपर्ट मेसिन सहित बि एन एम टी ले ३ वटा यस्ता मेसिनहरु जिल्लामा उपलब्ध गराएको छ। उनले भने – “बि एन एम टीले उपलब्ध गराएका ३ मेसिन मध्ये एउटा ओखरकोट स्वास्थ्य चौकीमा भर्खरै प्राप्त गरेका छौं भने अरु २ मेसिनहरुमध्ये एउटा प्युठान अस्पताल र अर्र्काे प्राथमिक स्वास्थ्य केन्द्र भिंग्रृमा राखेका छौं।” उक्त जिन एक्सपर्ट मेसिनहरुले जिल्लामा क्षयरोग निदान,उपचार र नियन्त्रणमा ठुलो भुमिका खेलेको प्रमुख सुवेदीले बताए। आगामी दिनहरुमा पनि यस क्षेत्रमा बि एन एम टीसंगको सहकार्य र समन्वय निरन्तर रहिरहने बताए।
बि एन एम टी ले कोरोना महामारीको आपतकालिन समयमा पनि जिल्लाको स्वास्थ्य क्षेत्रलाई प्राथमिकतामा राखेर सहयोग प्रदान गर्र्दै आईरहेको छ।

 

जिल्लामा दुई परियोजना सञ्चालन हुने

जिल्लामा सञ्चालन हुने दुई परियोजनाहरु Impact TB II, Target TB and TB Recovery project को बारेमा योजना तर्जुमा गोष्ठी शनिबार सकिएको छ। स्वास्थ्य कार्यालय प्युठानका प्रमुख विशाल सुवेदीको अध्यक्षतामा दुई दिन सम्म चलेको गोष्ठीमा अब सञ्चालन हुने दुई परियोजनाImpact TB II को बारेमा बि एन एम टी का Deputy director रघु धितालले प्रष्ट पारेका थिए भने Target TBको बिषयमा PI. Dr.Max caws र TB Recovery को बारेमा बि एन एम टी का क्षेत्रिय प्रमुख गंगाराम बुढाथोकीले प्रस्ट्याएका थिए। परियोजनाको लक्ष्य र आगामी योजनाहरुको बारेमा सहभागीहरुलाई बि एन एम टीका गोविन्द माझीले जानकारी गराउएका थिए। कार्यक्रममा जिल्लाका सबै स्थानीय तहका स्वास्थ्य शाखा प्रमुख र सरोकारवालाहरुको सहभागिता रहेको थियो।

प्रतिकृया दिनुहोस्

आजको राशिफल २०८१ श्रावण ६ आइतवार

 मेष विद्या र बुद्धिको विकास हुनेछ । नयाँनयाँ ज्ञान सिक्ने मौका मिल्नेछ । कार्यसिद्धि हुने...

कांग्रेसको संसदीय दलको बैठक आइतबार बस्ने

नेपाली कांग्रेसले संसदीय दलको बैठक आइतबारका लागि बोलाएको छ । बैठक आइतबार मध्याह्न १२ बजे...

आगामी निर्वाचनमा माओवादीसंग दुवै दलले गठबन्धन नगर्ने  सर्तमा नयाँ गठबन्धन बन्यो: पोखरेल

नेकपा एमालेका वरिष्ठ उपाध्यक्ष ईश्वर पोखरेलले आगामी निर्वाचनमा माओवादीलाई साथ नलिने सर्तमा कांग्रेस-एमालेको गठबन्धन बनेको...

त्रिशूली दुर्घटनामा बेपत्ता बस र शव खोज्न यन्त्रसहित भारतिय टोलि खटाइयो

सिमलतालमा असार २८ गते पहिरोले बगाएर त्रिशूलीमा बेपत्ता भएका बस र शव खोजीका लागि भारतीय...

आजको राशिफल: २०८१ श्रावण ०५ शनिवार

मेष : आज रमाइलो यात्राको सम्भावना छ र त्यसबाट दीर्घकालिक फाइदा पुग्नेछ । लामो समयदेखि...