नेपाली गीत संगीतको क्षेत्रमा विगत एक दशकदेखि निरन्तर गीत संगीतलाई प्रविधिको विकास संगै स्तरीयता तर्फ ढल्काउनका लागी लागी परिरहेको व्यस्त तथा कुशल ध्वनि सम्पादक, गायक एवम् एरेन्जरको नाम हो श्यामश्वेत रसाइली ।

जुन नाम नेपाली गीत संगीत प्रेमि दर्शक श्रोता, कलाकार, सष्टा सर्जकका लागि अत्यन्तै लोकप्रिय र परिचित नाम हो ।
उनै वहुप्रतिभाशाली व्यक्तित्व रसाइलीले सबैको मनको अवार्ड त जितेकै छन तर वेला-वेलामा उनले विभिन्न उत्कृष्ट म्यूजिक अवार्ड समेत जित्न सफल भएका छन ।
यसै सन्दर्भमा शनिबार मात्र काठमाडौंमा सम्पन्न प्रथम नेपाल म्यूजिक अवार्डवाट सर्वाेत्कृष्ट ध्वनि सम्पादकको अवार्ड हात पारेको छन ।

रसाइली अहिलेका निकै चर्चित व्यस्त अनि पाका ध्वनि मुद्रणका रूपमा स्थापित भएका छन ।
उनले सम्पादन गरेका हजारौं गीतहरूले नेपाली संगीत बजारमा नाम मात्र नकमाएर दाम पनि कमाएका छन ।
रसाइली अमेरिका समेत पुगेर साउण्ड इन्जिनियरको अतिरिक्त ज्ञान समेत हासिल गरेका एकमात्र व्यक्ति पनि हुन ।

उनी अहिले प्रिज्मा डिजिटल रेकर्डिङ र रिमा रेकर्डिङ स्टुडियोमा कार्यरत रहेका छन ।
उनी बरिस्ठ संगीतकार एवम् एरेन्जर बिबि अनुरागी र गायिका श्वरूपा रसाइलीका भाई हुन।

अवार्ड वितरण पछि सि खवर संगको कुराकानीमा रसाइलीले यस्ता अवार्डले आफ्नो काम प्रति अझै लगनशील, उर्जाशिल, मेहनती र जागरिलो बन्न थप्न सहयोग गरेको बताए । साथै हाम्रो तर्फबाट पनि रसाइलीलाई हार्दिक बधाई ।