आफ्नै पार्टिका अध्यक्षविरुद्घ काँग्रेस सभापती शेरवहादुर देउवाको समर्थनमा हस्ताक्षर गरेका एमाले नेता माधवकुमार नेपालले संसद विघठनलाई प्रतिगमन भाग २ रहेको वताएका छन्।

आफ्नो सामाजिक सञ्जालमा नेपालले राष्टपतिले संविधानको मर्मलाई कुठाराघात गरेको भन्दै उनले केपी ओलीको यो कदमको प्रतिवाद डटेर गर्न आह्वान गरेका छन्!

नेपालको स्टाटस:-
षड्यन्त्रकारीहरूको उक्साहट र चाहनामा फेरि पनि संसद्को चीरहरण भएको छ। प्रतिगमन दोहोरिएको छ ।संविधानका मर्ममाथि प्रहार गर्दै सर्वसत्तावाद लाद्ने उद्देश्यले भएको कथित चुनावको उदघोष जालझेल हो । यो व्यवस्था नै कू गर्ने अग्रसरता हो । शीतल निवासले संविधानको मर्मलाई कुठाराघात गरेको छ । यो प्रतिगमन भाग २ हो । केपी ओलीको यो कदमको भर्त्सना गर्दछु । यसको प्रतिवाद डटेर गर्न आह्वान गर्दछु !