३ असार २०७८प्युठान , प्युठान नगरपालीकाका अती विपन्न परिवारलाइ अाेरेन्टाे मन्टी प्रालीले विहिवार राहत सामग्री वितरण गरेकाे छ।
प्युठान स्वर्गद्धारी सेवा समाज दुवईका अध्यक्ष हेमन्त घिमिरेको पहलमा कोरोना भाइरसको दोश्रो लहरबाट थला परेका प्युठान नगरपालिका वडा नं. २ र ३ का अति विपन्न परिवारका ४० घरधुरीका परिवारका सदस्यलाई ८० हजार बरावरको राहत सामग्री वितरण गरिएको हो। ओरेन्टो मल्टी प्रालिका इन्द्रीरा जमरकट्टेलद्धारा एक परिवारको लागि २५ के.जी चामल, १ लिटर तेल , १ केजी दाल , नुन , दुई केजी आलु , १ केजी प्याज , २ प्याकेट चाउचाउ र १ प्याकेट विस्कुट राहत सामग्री प्रदान गरिएको हो।
महामारीको समयमा दैनिक मजदुरी गरेर खाने, रोजगार गुमाएका मजदुरका लागि खाद्यान्य सहयोग गरेकोमा ओरेन्टो मल्टी प्रालिलाई कार्यक्रममा सहभागि प्युठान नगरपालिका वडा नंंं ३ का वडा अध्यक्ष प्रेम हमालले धन्यवाद ब्यक्त गर्नुभएको छ।
राहत वितरण कार्यक्रममा प्युठान नगरपालिका वडा नंं २ र ३ का वडा अध्यक्ष , स्थानिय लगाएतको उपस्थिति रहेको कार्यक्रमको समन्वय प्युठान स्वर्गद्धारी सेवा समाजका सदस्य विक्रम विष्टले गर्नुभएको थियो।
